نەتانیاهۆ: رێ نادەین سووریێ ببیتە مەترسی بۆ ئسرائیلێ
سەرۆک وەزیرێن ئسرائیلێ سەبارەت ب سووریێ دیار کر، نها ل سووریێ هندەک بزاڤێن جودا هەنە، بێگومان ئسرائیلێ ب چو رەنگەکێ نەڤێت ئالۆزی ل سووریێ هەبن، ژ بۆ ئسرائیلێ یا گرنگە رەوشا سووریێ ئارام بیت، لێ مخان هندەک هێز دخوازن ئاخا سووریێ ژ بۆ بەرژەوەندیێن خوە بکار بینن و وێرێ بکەنە ناڤەندەکا نوو بۆ دژبەریا ئسرائیلێ و گۆت: (وەکو ئسرائیل ئەم رێ نادەین چو هێزەک ئاخا سووریێ ل دژی مە بکار بینیت، نها سەردەمەک نوو دەستپێکریە و ئسرائیل دێ هەموو پیلانێن هەی ژناڤ بەت و دڤێت دەستهەلاتا نها یا سووریێ ژی ل گۆر راستیێن نها سیاسەتێ بکەت).
سەرۆک وەزیرێن ئسرائیلێ ئەو یەک ژی نەڤەشارت کو ئسرائیل پشتەڤانیێ ل مافێن دورزیان و نەتەوەیێن دی ل سووریێ دکەت، دڤێت سیستەمێ نوو یێ سووریێ ل سەر بنەمایێ رێزگرتنا ل هەموو پێکهاتەیێن ل سووریێ بهێتە ئاڤاکرن، مخابن هەتا نها تشتەک وەسا نینە و ئەو یەک ژی ناهێتە قەبوول کرن.
