نەتانیاهۆ چاڤەڕێی رازیبوونا ترامپی یە
ئاژانسا مێهر یا ئیرانێ د راپۆرتەکێ دا دیار کریە، ئسرائیل ب هەموو رەنگەکێ ل دژی راکرنا سزایێن ل سەر سووریێ بوو، لێ ترامپی بۆ ئسرائیلێ دیار کریە ل هەمبەر راکرنا سزایێن ل سەر سووریێ دێ ئەمریکا نەرمبوونەکێ ل هەمبەر داخوازیێن ئسرائیلێ نیشا دەت و دبیت دیسان بابەت ئیران بیت.
هەمان ئاژانسێ ئەو یەک ژی دیار کریە، نەتانیاهۆیی دڤێت دەست ب ئێرشەکا نوو ل دژی ئیرانێ بکەت و ژ بۆ ڤێ یەکێ ژی چاڤەرێی رازیبوونا ترامپی یە.
ئەو یەک د دەمەکێ دایە کو دوهی بەرپرسەکێ ئەمریکا ژی دیار کربوو نەتانیاهۆ بزاڤا ڤێ یەکێ دکەت د سەرەدانا خوە یا دووماهیا ڤێ مەهێ بۆ ئەمریکا دا پشتەڤانیا ترامپی بۆ ئێرشەکا نوو ل سەر ئیرانێ بدەستڤە بینیت و ژ بەر ڤێ یەکێ ژی دێ پشتی سەرەدانا نەتانیاهۆیی گەلەک تشت هێنە ئێکلا کرن.
