نەتەوەیێن ئێکگرتی: دڤێت ئاگربەست ل غەزە بهێتە راگەهاندن
ب، سه‌رجان:
نەتەوەیێن ئێکگرتی داخواز کر کۆمبوونەکا بلەز ژ بۆ راگەهاندنا ئاگربەستێ ل غەزە بهێتە کرن و تێدا هەموو وەلاتێن جیهانێ ب ئەرکێ خوە رابن و نەهێلن کارەساتا نها ل غەزە بەردەوام بیت، چونکی ژ بەر شەڕێ نها ل غەزە رۆژانە ب دەهان وەلاتیێن سڤیل ب تایبەتی ژی زارۆ دبنە قوربانی و خەلکێ سڤیل د رەوشەکا گەلەک خراب دانە و خوارن ژی گەلەک کێمە و ژ بەر ڤێ یەکێ ژی دڤێت ئاگربەست ل غەزە بهێتە راگەهاندن دا ئەو بشێن ل گەل رێکخستنێن دی یێن مافێن مرۆڤی هاریکاریا خەلکێ لێقەومی یێ غەزە بکەن.
ل ئالیێ دی وەزارەتا دەرڤە یا عەرەبستانا سعوودی ژی دیار کر، هەتا دەولەتا فەلەستینێ ب فەرمی نەهێتە راگەهاندن دێ کارەساتێن وەکو یێن غەزە بەردەوام بن، دڤێت ئسرائیل و وەلاتێن دی یێن جیهانێ ب فەرمی هەبوونا دەولەتا فەلەستینێ قەبوول بکەن.
