نەتەوەیێن ئێکگرتی هۆشداریێ ددەت
بەرپرسەکێ نەتەوەیێن ئێکگرتی دیار کر، ژ بەر شەڕێ ئیرانێ قەیرانا ئابووری ل گەلەک وەلاتان دروست بوویە و بەردەوامیا شەڕی دێ بیتە ئەگەرێ برسیبوونا ب ملیۆنان مرۆڤان ل سەر ئاستێ رۆژهەلاتا ناڤین و جیهانێ، ژ بەر کو نها قەیرانا وزێ دروست بوویە و هەکە شەڕ بەردەوام بیت کەرەستەیێن خوارنێ ژی وەکو پێدڤی ناگەهنە دەستێ خەلکی و ئەو یەک ژی دێ بیتە ئەگەرێ روودانا کارەساتێن گەلەک مەزن.
ل ئالیێ دی وەزیرێ بەرگریێ یێ ئسرائیلێ ژی دیار کر وان خوە بۆ شەڕەکێ دەمدرێژ ل گەل ئیرانێ بەرهەڤ کرینە و هەتا نەگەهنە هەموو ئارمانجێن خوە دێ ئێرشێن وان ل دژی ئیرانێ بەردەوام بن، چونکی دەستهەلاتا نها یا ئیرانێ بوویە مەترسیەکا گەلەک مەزن بۆ ئسرائیلێ و هەموو وەلاتێن دی یێن رۆژهەلاتا ناڤین و دڤێت رژێما نها یا ئیرانێ ژناڤ بچیت و هەتا وی دەمی ژی دێ ئسرائیل بەردەوامیێ دەتە ئێرشێن خوە.
