نەتەوەیێن ئێکگرتی پشتەڤانیێ ل پلانا ترامپی دکەت
جێگرێ پەیڤدارێ سکرتێرێ گشتی یێ نەتەوەیێ ئێکگرتی دیار کر، ئەو پشتەڤانیێ ل پلانا ترامپی بۆ راگرتنا شەڕی و ئاشتیێ ل غەزە دکەن و د هەمان دەمی دا دڤێت حەماس ژی چو ئاریشەیان دروست نەکەت، وەکو نەتەوەیێن ئێکگرتی وان دڤێت حەماس هەموو گرتیێن ئسرائیلی ئازاد بکەت و ل هەمبەر دا ئسرائیل ژی رێ بدەت دا هاریکاریێن مرۆڤی بگەهنە دەستێ خەلکێ غەزە، گرنگە د رەوشا نها دا ئەڤ هەر دو کارێن پێدڤی بهێنە کرن.
فەرحان حەق ئەو یەک ژی دیار کر، بەری نها ژی نەتەوەیێن ئێکگرتی چەندین جاران داخوازا راگرتنا شەڕێ غەزە کریە، نها دەلیڤەیەک گەلەک باش هاتیە پێش و گرنگە حەماس ژی چو ئاریشەیان دروست نەکەت، هەلوەستێ وەلاتێن عەرەبی ژی د جهێ خوە دایە و ئەو دشێن حەماسێ رازی بکەن دا پلانا ترامپی قەبوول بکەت.
