نەخوش دشێن پتر ژ جارەکێ چاڤێ خوە لێزەر بکەن
ئه‌ڤرۆ:
پتر ژ ٧٠٠ چاڤان لەیزەک بو ھاتیە کرن چاڤێن زارویان ژی دھێنە لێزەرکرن، لێزەر تیشکەکا موگناتیسی یە دھێتە بکار ئینان بو راستکرنا دیتنێ و جوانکرنا چاڤی و بو ھەمی کەسا ل ھەمی تەمەنا دھێتە بکار ئینان سەربارکێن وی زور دکێمن گەلەک جورێن نشتەرگەریا ھەنە کو دبنە ئەگەر نەخوش بەرچاڤکێ ب کار نەئینت بەلێ نشتەرگەریا ژ ھەمیا موکمتر و سەربارکێن وێ کێمتر بو نەخۆشی و بو نوشداری ژی نشتەرگەریا لێزەرێ یە.
د. مەعێوم مستەفا، تایبەتمەندێ نەخۆشیێن چاڤا و لێزەرکرنا چاڤی دیارکر کو نشتەرگەریا لێزەری پشتی تەمەنێ ١٨ سالی دھێتە کرن، بەلێ ھندەک حالەتێن ھەین کو بو زارۆیان ژی دھێتە کرن و گۆت: ھەکە حالەتەکێ تەنگاڤ بیت ئەو نەخوشێن دووربینی و نێزیکبینی و خاربوونا گلێنا چاڤی ھەی لیزەر بو دھێتە بکارئینان، دا نەخۆش بەرچاڤکا ب کار نەئینت یان ئەوێن پلا چاڤێ وان گەلەکا لاواز پلا وان برێکا لێزەری باشتر لێدکەین، دیسان د.معێوم مستەفا، دیارکر ، دو جورێن لێزەری ھەنە یا ئێکێ لێزەرا سەرڤە کو ئەو جورێ لێزەریە ئەوێ بێ بڕین کو دبیتە prk و لیزەک و asa کو بەس تیفلکێ سەرڤە یێ چاڤی رادکەن و لیزەری لێددەن دیتنا نەساخی باش دبیت، جورێ دوێ ئەوە یێ بڕین تێدا کو پارچەکا رەشکا چاڤی دھێتە بڕین پاشی ئەو پارچە دێ ھێتە ھەلگرتن پاش دێ لێزەر بو چاڤی ھێتەکرن جارەکادی وێ پارچا رەشکێ دێ زڤرینە ڤە، و گۆت: نوشدارێن مە جورێ لێزەرا بڕین تێدا کێم بکار دئینن کو یابەرنیاسە ب لەیزەک، چونکی ئەڤ جورێ نشتەرگەریێ سەربارکێن وێ گەلەکن دیسان زەحمەت دگەھیتە نەخوشی و نوژداری ژی مەزاختنا وێ یا(مادی) زوورترە و ئەنجامێن وێ ژ سەربارکێن وی کێمترن، لەورا ئەم نەخوشێن خوە ئاموژگاردکەین نشتەرگەریێن بێ بڕین ئەنجام بدەن.
تایبەتمەندێ نەخۆشیێن چاڤا دیارکر ژی دماوێ سالەک و شەش ھەیڤادا نێزیکێ ٧٠٠ چاڤا لەیزەک بوھاتیەکرن ل نەخوشخانادھوکێ یا چاڤا و گۆت: لێزەر دھێتە بکارئینان وەک چارەسەری بو کەسەکی چاڤەکێ وی یێ لاوازە ئێک نە و نەشێن بەرچاڤکا بکاربینت، لەورا لێزەر باشترین چارەسەریە، یان ئەو نەخوشێن عەور ل سەر چاڤێن وان جورەکێ تایبەتێ لێزەری یێ ھەی کو دبێژنێ PDR برێکا ڤی لێزەری ئەم عەوری سەر چاڤی رادکەین، دیسان گەلەک کەس حەز ل بەرچاڤکا ناکەن ئەم لێزەری بکار دئینین وەک رێکەکا جوانکاریێ، دیسان ھندەک کەسا سروشتێ کارێ وان ناخوازیت بەرچاڤک لبەربن وەک لەشکر و شوفێر چاڤێن وان پێدڤی ب لێزەرکرنێ نە .
دیارکر ژی خرابیێن لێزەرکرنێ گەلەک دکێمن ئەگەر ژێگرتنا نەخوشی ل سەر بنیاتەکێ زانستی بیتن لەورا یا پێدڤیە نەخوش بەری نشتەرگەریێ بێتە دیتن و چاڤێن وی بێنە پشکنینکرن ژ رەشکا چاڤی تا دەمارێن چاڤی و بلندبوونا پەستانا چاڤی بێتە گرتن دەمێ ئەم نشتەرگەریێن لێزەری دکەین پێدڤیە بزانین دێ چەند ژ رەشکێ راکەین و چەند دێ مینت و رێژا کێم ٤٥٠ مایکرومیتەر دڤێت بو نەخوشی بمینن، ھەروەسا ھندەک تێستن تایبەت یێن ھەین گرێ داینە ب رەشکا چاڤی ڤە ئەم دبێژینێ توپوگرافی ئەڤ تێستە دێ بۆ مە دیارکەت کا رەشکا چاڤی چەندا ستویرە و کا ھێزا وێ چەندە و کادێ (تەحەملا) لێزەری کەت یان نە، ئەگەر ھەلبژارتنا نەخوشی ل دویڤ ڤان رێنمایان بیت دێ سەربارک گەلەک دکێم بن سەربارکا ژ خراپتر ئەم ژێ ترسین کو نەخوش تووش ببیتێ ھەودانا چاڤی یە لەورا یاپێدڤیە نەخوشی گەلەک ھای ژ پاقژیا چاڤێ خوە ھەبیت وگۆت: ھندەک جاران پشتی نشتەرگەریکرنێ چاڤ نیڤ دەرەجێ تا دەرەجەکێ دزڤریتەڤە پشتی چەندسالەکا بەلێ ئەڤەژی نابیتە ئاریشە چونکی مروڤ دشێت پتر ژ جارەکێ چاڤێ خوە لێزەر بکەت ئەگەر رەشکا چاڤێ نەخوشی یا ھاریکاربیت.
