نەخۆشترین شەرێن دژیانا خوە دا من دیتین كورد شەرێ كوردان بكەت
دیدار، سالار محەمەد دۆسكی:
پشتی كولیژا لەشكری ل بەغدا تەمام كری بورینا ماوەكێ كێم دگەهیتە ناڤ رێزێن شۆڕەشا ئیلونێ و پتری نیف چاخی یە دناڤا هێزێن پێشمەرگێ كوردستانێ دا، وەك ئەكادیمیەكێ لەشكری خزمەتا گەل و وەلاتێ خوە كریە، هەر دەم هزر و بیروباوەرێن وی ئەون مللەتێ كورد بكەهیتە هەمی هیڤی و ئومێدێن خوە.
پێشمەرگێ هەردو شۆڕەشێن ئیلۆن و گولانێ بابەكر زێباری د دیدارەكێ دا ل گەل رۆژناما ئەڤرۆ گۆت: دەمێ ل سالا 1961 شۆڕەشا ئیلۆنێ دەست پێكری ئەم وی دەمی قوتابی بووین ل ئاكرێ و بارزانیێ نەمر ب هێز ڤە بەر ب دەڤەرا بەهدینان ڤە چوو، ل سالا 1962ێ دەمێ ڤەگەریانێ بارزانیێ نەمر ل گەل پێشمەرگەی وی دەمی لەشكری و پولیسان ئاكرێ بەردا و گەلەك ترسیان و پێشمەرگە ل سێ جهان هاتە ناڤ ئاكرێ وی دەمی قوتابی بووین، و گەلەك كەیفا مە هات ب هاتنا پێشمەرگەی بۆ ناڤ قەزا ئاكرێ، دووڤدا پێشمەرگە هەر ئێكسەر ڤەگەریا و نەهاتە ناڤ باژێری وی دەمی مە دو كادرێن پێشمەرگە دیتن و مە گۆتێ بوو هوون نەهاتنە ناڤ ئاكرێ، گۆتن مەلا مستەفا بارزانی فەرمان دا نەچینە ناڤ ئاكرێ چونكە پتر ژ 3000 هزار خێزانان ل ناڤ ئاكرێ دا دژین و چوونا پێشمەرگەی بۆ ناڤ ئاكرێ دێ بیتە ئەگەرێ تۆبارانكرنا باژێری ژلایێ حوكمەتا عیراقێ ڤە و دێ خەلك بیتە قوربانی و هێنە شەهیدكرن و نیڤەكا خەلكێ ئاكرێ دێ بیتە ئاوارە وی دەمی بڕیارا سەركردایەتی یا پارتی دیموكراتی كوردستان ب سەرۆكاتیا بارزانیێ نەمر ئەو بوو پێشمەرگە نەچیتە دناڤا باژێران دا و دووڤدا بەر ب دەڤەرا سوران چوون.
پێشمەرگێ هەر دو شۆڕەشێن ئیلۆن و گولانێ بابەكر زێباری زێدەتر گۆت: ل دەمێ شۆڕەشا ئیلۆنێ ل سەرێ پیرسی و دەڤەرا مە یا ئازادكری بوو و ئەم دناڤا پێشمەرگەی دا بووین، و گەلەك شەڕ و چالاكیێن پێشمەرگەی هاتنە ئەنجامدان و گەلەگ پێشمەرگەیێن دلێر و قارەمان شەهید بوون.
پێشمەرگێ هەر دو شۆڕەشێن ئیلۆنێ و گولانێ بابەكر زێباری ئەو ژی ئاشكراكر كو 29/3/1973ێ گەهشتە ناڤ رێزێن شۆڕەشا ئیلۆنا مەزن وی دەمی كولیژا لەشكری ل بەغدا مە ب دووماهی ئینا و خولێن مەغاویر و پەراشوتان و خولێن هێزا تایبەت و تۆپجی مە ل كولیژێ ب دووماهی ئینان و دو سال و حەفت هەیڤان وەك مولازم دناڤا لەشكرێ ئیراقێ دا مام و چوومە حەبانیێ دووڤدا من پەیوەندی ب شۆڕەشا ئیلۆنێ كر و بوومە پێشمەرگە.
بابەكر زێباری زێدەتر ژی گۆت: نەخوشترین شەرێن دژیانا خوە دا من دیتین كورد شەرێ كوردی بكەت، و هەر دو ئالیان مرۆڤێ شرمزارە باوەركە هەمی جاران لایەنێ بەرامبەر دەست پێكریە و چ جاران پارتی دەست پێشخەر نەبوویە بۆ ئەڤان شەڕان و شەڕخواز نەبوو و هەر ل سەر دەمێ بارزانیێ نەمر و هەتا ئەڤرۆ ژی، دا مەكتەب سیاسی بێژنە بارزانیێ نەمر بەیانا دای و كوتا دروست بوویە و دلاوازن و گرنگە ئەم بچین ل گەل كومبین و دا بێژیت نەخێر ئەو دبێژن جاش و عەمیلن و خائینن و ل گەل مە دروونە خوار و پێشمەرگە ماندیبوویە، و دێ بهێنا خوە ڤەددەت و پێشمەرگە دێ چیتە باژێران و دو جاران هندی خوە ل گەل خوە ئینە ناڤ شۆڕەشێ، یا ژ هەمیان گرنگتر ئەم نەبینە ئەگەرێ كوشتنا خەلكی و بلا ئەو شەڕی بكەن و ئەم دێ بەرەڤانیێ كەین و هەمی جاران پارتی بەرەڤانی كریە و شەڕخواز نەبوویە.
پێشمەرگێ هەر دو شۆڕەشێن ئیلۆن و گولانێ بابەكر زێباری ئەو ژی گۆت: گەلەك شەڕان دا پشكدار بوویمە وەك شەرێن (گارە، باكرمان، شەرمەنێ، بێشیلێ) و گەلەك شەرێن دی ژی، پێشمەرگە گەلەكێ فیداكار و دلسۆز بوو و بێ مووچە و گەلەك جاران پێشمەرگەی سالەكێ خێزان و كەس و كارێن خوە نەدیتن، و هەر دەمێ چوونە ئیرانێ ناڤ زارۆكێن خوە و دەستیردان ژی ماوێ هەیڤەكێ دو هەیڤان دا كارەكی بۆ زارۆكێن خوە كەن، و تشتەكی بۆ كوم كەن و جارەكادی بۆ ماوێ چەندین هەیڤان دا هێنە ببنە پێشمەرگە، ل سالا 1975ێ دەمێ ئیراق و ئیرانێ و جەزئیر و ئەمریكا رێككەفتن ئەنجام دای وی دەمی گورزەكێ مەزن ب مللەتێ كورد كەفت، بتنێ هزرێن خوە بكە پشتی نسكویا 1975ێ چو ب سەرێ مللەتێ كوردان هات، گەلەك زیان دیت وەك كێمیابارانكرن و تەعریب و گورستانێن ب كوم و ئەنفال و گرتن و ئەشكەنجەدان و هەر چو نەما حكومەتا بەعس وی دەمی دژی مللەتێ كوردان نەكری، لێ هەر چو پێ نەچوو دناڤبەرا هەر دو شۆڕەشێن ئیلۆن و گولانێ جارەكا دی ب خوینەكا گەرمتر مەفرەزێن پێشمەرگەی ل سەر سنوران هاتنە ناڤ ئاخا كوردستانێ و نەهێلا شەر دناڤبەرا هەر دو شۆڕەشان دا ب دووماهی بێت، (بارزانی نەمر) فەرمان دا كو پیلانەكا مەزنە، چونكە وی دەمی لەشكرێ ئیراقێ چوو ئیرانێ شەر دناڤبەرا ئیراقێ و ئیرانێ دا دروست بوو و توركیا و ئەمریكا پشتەڤان و هاریكاریا ئیراقێ دكەن، و ئەگەر كادرێ خوە یێ رێكخستی و لەشكری و دبلوماسی نە پارێزین ل ڤێ قوناغێ نە بەرژوەندا مللەتێ كورددایە نوكە سەرا مە پێك هاتینە و ئەگەر ژ گورەپانێ دەركەڤین دێ تووشی ئێك دو بنەڤە وی دەمی دەمێ كادرێ مەیێ رێكخستی جارەكا دی، دێ چیت جهێ خوە گرتە ڤە و هەمان كار هاتە روودان و جەنابێ سەرۆك (مەسعود بارزانی) و خودێ ژێ رازی(ئدریس بارزانی و ئەسعەد خوشەبی) مە فرەزە هنارتن و ل سەر سنوری و دەرباز بوون، وی دەمی خەلك نیاسی و كاغەز هنارتن و مەفرەزە هەتا سوریێ دهاتن و هێدی هێدی ب بهێز كەفتن وی دەمی حكومەت گەلەك دژوار ب بوو و گەلەك خەلك دەستەسەردكرن و گەلەك ب بلوكان ل كەلها نزاركێ كوشتن و گەلەك ل زیندانان دا ئەشكەنجەدان و هەر چو نەما ل گەل گەنج و لاوێن كوردان نەكربیت.
بابەكر زێباری سوپا سالارێ بەرێ یێ ئیراقێ ژی گۆت: ئەو پیلانێن ل سەر كوردان ب درێژاهی یا دیرۆكێ هاتینەكرن، هەتا نوكە ژی هەمان پیلان یێ دهێنەكرن و هەر جار ب شێوەكی و ئارمانجا هەمیان ژی بتنێ نەهێلانا مللەتێ كوردە، و دەمێ هشیار زێباری ل وەزارەتا دەرڤە یا ئیراقێ دگۆت ل سالا 1961 و هێرڤە هەر سال وەزیرێن دەرڤەیێن (عیراق، تروكیا، سوریا، ئیران) كومبوونەكێ ل سەر كوردان ئەنجام د دەن و ل سەر كێشا كوردان ئەوا چ جوداهی نینە بەلكو درێككەفتینە و ئەڤە ل سەر دەمێ شاهیێ ئیراقێ فەیسەلێ ئێكێ خودێ ژێ رازیبت و هەتا سیستەمێ ئیراقێ بوویە كوماری و هەتا نوكە ژی ئەڤە یا بەردەوامە و هەتا نوكە دادوەرەكێ عادل نەهاتیە ئیراقێ كو هەمی نەتەوە و پێكهاتێن ئیراقێ وەك خێزانا خوە ب هەژمێریت و گەل و وەلاتێ ئیراقێ پێشبێخیت و ئەڤان شیانێن دارایێن هەرە مەزن و هەمی دەما هزر و پلانێن باش نەبوویە و نەشێن سەردەریێ ل گەل مرۆڤان بكەن وەك برا.
جەنەرال بابەكر زێباری ل دووماهیێ گۆت: داخازێ ژ لایەنگەرێن پارتی دیموكراتی كوردستان دكەم خوە سست نەكەن و ئەگەر كێماسیێن چەند بەرپرسان ژی هەبن بلا كارتێكرنێ ل وان نەكەن، وهەر زراڤبوونەكا پارتی هەبیت دێ گورزەكێ مەزن ب كێشا نەتەوەی یا مللەتێ كورد كەڤیت، و پارتی نوكە سەركردایەتیا كێشا كوردی دكەت، و ئەو پێشەنگ و رێبەرە و بلا چ كەس كارتێكرنێ ل سەر نەكەن و بچنە سەر سندوقێن دەنگدانێ.
