نەخۆشخانەكا هەڤچەرخ ل دینارتە دهێتە ئاڤاكرن
ئەڤرۆ
ئاكرێ، رەمەزان زەكەریا:
ل سەنتەرێ ناوچەداریا دینارتە كار ل سەر ئاڤاكرنا نەخۆشخانەكا پێشكەفتی ژ جۆرێ A ب گوژمێ ملیارەك و 28 ملیۆن و 698 هزار دیناران دهێتە كرن و هەتا نوكە 10% كار ل سەر هاتیە كرن و كار كرن ژی بەردەوامە و بڕیارە د دەمێ 360 رۆژان دا نەخۆشخانە ب دووماهی بهێت و بكەڤیتە د خزمەتا وەلاتیان دا.
شەعبان خەلیل بەرواری، دەڤەردارێ ئاكرێ ب وەكالەت بۆ ئەڤرۆ گۆت: «ناوچەداریا دینارتە رۆژ بۆ رۆژێ یا بەرفرەه دبیت، لەو نەبوونا نەخۆشخانەكا پێشكەفتی ئاریشەكا مەزنە بۆ خەلكێ سەنتەرێ ناوچەداریا دینارتە و گوندێن ب سەرڤە».
گۆتژی: «پشتی ب دووماهی هاتنا پڕۆژەیێ ئاڤاكرنا نەخۆشخانەكا پێشكەفتی ژ جۆرێ A هەموو ئاریشێن كەرتێ ساخلەمیێ ل دینارتە دێ هێنە چارەكرن و پێدڤی ناكەت خەلكێ دەڤەرێ بەردەوام سەردانا ئاكرێ بكەن بۆ وەرگرتنا چارەسەریێ».
ئاشكرا ژی كر، نەخۆشخانا نوكە كار ل سەر دهێتە كرن دێ گەلەك یا پێشكەفتی بیت و هەموو پشك تێدا بن هەتا پشكا زارۆكبوونێ ژی.
