نەخۆشخانەکا ئەهلی دێ ل قەزایەکا دهۆک هێتە چێکرن
ئەڤرۆ نیوز، نەوزاد هلۆری:
بۆ ئێکەمجار ل سنوورێ ناحیا دێرەلووک دێ نەخۆشخانە ئەهلی ل کومەلگەها هێتوت هێتە چێکرن، سەرپەرشتیارێ پروژەیی بۆ ئەڤرۆ نیوز دیارکر کو ڤان روژان دێ دەست ب چێکرنێ کەن.
عیماد رێکانی، سەرپەرشتارێ چێکرنا نەخۆشخانا هێتوت یا ئەهلی بۆ ئەڤرۆ نیوز گۆت: (ب مەرەما زیدەتر خزمەتکرنا کەرتێ ساخلەمی، بۆ ئیکەمجار ل سنوورێ ناحیا دێرەلووک دێ نەخۆشخانەکا ئەهلی ل کومەلگەها هێتوت هێتە چێکرن، چونکی هێتوت دکەڤیتە دناڤبەرا هەردوو ناحیێن دێرەلووک و شێلادزێ و بو هەردوو لایان یا نێزیکە).
زیدەتر گۆت: (دنەخۆشخانێ دا هەموو نوژدارێن بسپوور دێ هەبن، ل گەل تاقیگەهـ و سونار و چەند جۆرەکێن نەشتەرگەری و چەندین چارەسەریین دی، نەخوشخانە دێ باشترین شێوە و کێمترین بها ب زورترین خزمەتگوزاریێن ساخلەمیێ دەمەکێ نێزیک کەڤیتە د خزمەتا خەلکێ دەڤەرێ دا).
ناڤبری د درێژاهیا ئاخفتنێن خودا دیارکر ژی کو ڤان روژان دێ دەست ب درۆستکرنا ئاڤاهیێ وێ هێتەکرن و هەموو پێرابونێن قانونی دوماهی هاتینە و مولەتا فەرمی ژ جهێن شولەژێ وەرگرتیە.
چێکرنا نەخۆشخانا هێتوت د دەمەکێ دایە کو پتری شەش سالایە بنیاتێ ئاڤاکرنا ناخۆشخانا هێتوت یا 60 تەختی هاتیە راگرتن.
