نەخۆشخانەیا ئایندە ل ئاكرێ دهێتە بجهئینان
رەمەزان زەكەریا:
رێڤەبەریا گشتی یا وەبەرهێنانێ ل پارێزگەها دهۆكێ راگەهاند، ب گوژمێ سێ ملیۆن و 578 هزار و 822 دۆلاران پڕۆژەیێ نەخۆشخانەیا ئایندە یا تایبەت ل ئاكرێ د قووناغا بجهئینانێ دایە، رووبەرێ وێ چار هزار و 900 مەترێن دوجانە و رێژەیا بجهئینانێ گەهشتیە 70%ێ.
رێڤەبەریا گشتی یا وەبەرهێنانێ ل پارێزگەها دهۆكێ خویا ژی كریە كو پڕۆژە ژ ئاڤاهیەكێ دو نهۆمی پێكهاتیە و خزمەتگوزاریێن مینا: پشكا تیشكی، جهێن خزمەتگوزاری، پاركێن راوەستانا ترۆمبێلان، كۆگەهـ، كارگێڕیا پڕۆژەی، پشكا تەنگاڤیا، تاقیگەهـ، دەرمانخانە، سەنتەرێ پزیشكی، جهێن خزمەتگوزاریان، پشكا نەشتەرگەریا ICU، ژوورێن نەخۆشان، باخچە و كەسكاتی و دەڤەرێن ڤەكری د ناڤ دا هەنە.
