نەخۆشیەكێ بەرهەمێ شتیێن دەڤەرا بەردەڕەشێ ژناڤبر
رەمەزان زەكەریا:
ل دەڤەرداریا بەردەڕەشێ ل سەر رووبەرێ 70 دۆنەمێن ئەردی شتی هاتینە چاندن، لێ ژ ئەگەرێ تووشبوونا بەرهەمی ب نەخوشا بزماری، بەرهەمێ ئەڤ سالە نەهاتیە چنین و فرۆتن.
حەسەن عەبدولرەحمان، ئەندازیارێ چاندنێ ل هوبا چاندنا رۆڤیا بۆ ئەڤرۆ گۆت: «ئەڤ نەخۆشیا بزماری هەر تشتەكێ بگریت ژ ناڤ دبەت، ئەڤ نەخوشیە ژ بەر گورانكاریێن سەقای دەركەفتیە، ل هندەك دەڤەران ب رۆژ گەرمبوو، ب شەڤ ژی سار بوو، دڤێت جۆتیار ئاڤدانەكا دروست بۆ چاندنێ بكەن و ب شەڤێ ئاڤ بدەن».
ناڤبری گۆتژی: «زێدەتر ژ 20 هزار تەنێن بەرهەمێ شتییان ل سەر رووبەرێ چار هزار دۆنەمێن ئەردی تووشی نەخوشیا بزماری بوون و هاتینە ژناڤبرن».
