نەخۆشێ پشتئێشانێ کەنگی سەرەدانا نۆشداری بکەت؟
د. رێبەر سەعید سندی، تایبەتمەندێ نشتەرگەریا دەماران و بربرێن پشتێ دیارکر کو پشت پێک دهێت ژ هەستی و زەڤلەک و کۆما شانەیان، وەتەر و مۆرکێن پشتێ و هەر ئەون دبنە ئەگەرێ ئێشانا پشتێ و گۆت: ئەگەرێن پشتئێشانێ ب رەنگەکێ گشتی پێکهاتینە ژ “ وەستیانا زەڤلەکان و کۆشانەیێن پشتێ وەک پەقینا وان یان فشارەک لسەر وان ژئەنجامێ راکرنا کێشێن گران یان لڤینەکا ژ نشکەکێڤە و فشارا بەردەوام لسەر پشتێ دبنە ئەگەرێ تێکچوونا زەڤلەکان و ئێشانێ.
و وەرمین یان پەقینا یان ئینزلاقا کڕکڕکان و فشارکرن ل سەر دەماران، و هندەک جارا هەودانا گەهێن مورکێن پشتێ دبیت ببیتە ئەگەرێ هەودانا گەهێن بڕبرا پشتێ و تەنکبوون و تێکچوونا وان و ئێشان پەیداببیت، یڵن کەتن یان لێدانەک ژ پشتێ، و پێتیبوونا هەستیان و دبیت پشتئێشان د مورکێن پشتێ دا پەیداببیت ژئەنجامێ پێتیبوونا هەستیێن وان دگەل ڤێ چەندێ ئەو کێماسیێن زکماکی یێن کارتێکرنێ ل بربرا پشتێ دکەن و وەرەمێن بربرا پشتێ، هەروەسا عادەیا هەیڤانە و هندەک نەخۆشیێن گرێدای کۆئەندامێ زاوزێ ل دەڤ ژنان، دگەل هندەک نەخۆشیێن هەرسکرنێ و نەخۆشیێن گولچیسکان.
دەڕبارەی ئەو فاکتەرێن پشتئێشانێ زێدەدکەن دیارکر کو پێکهاتینە ژ “جگارەکێشان، قەلەوی، خوە وەستاندنەکا زێدەتر ل کاری، گەلەک روونشتن ل هەمبەر تێلەفزیونێ و کۆمپیوتەری و سوشیال میدیایێ و شوفێریکرن بو دەمێن درێژ، و خەموکییێ.
د.رێبەر ئەوژی دیارکر کو ل ڤان دەمان دڤێت نەخۆش قەستا نۆشداری بکەت:
٭ هەکە دیت چارەسەریا ل مال مفای لێ ناکەت و بو دەمێ 7-10 رۆژان ڤەکێشا.
٭ هەکە ئێشان گەهشتە پیەکێ تە یان هەردویان و ب تایبەت هەکە گەهشتە چۆکان و بێهێز و پێتی و خاڤبوون.
٭ هەکە تا دگەل بیت.
