نەشێت بێی ستران بژیت
ئەڤرۆ:
سترانبێژا ناڤدارا عەرەب ( باسکال مەشعەلانی) راگەھاند کو چو راستی ژبۆ دوور کەفتنا وێ ژ ھونەری نیین و گۆت : بیێ سترانگۆتن ئەز نەشێم بژیم.
ناڤبریێ د دیدارەکێ دا ل گەل کۆڤارا (لھا) گۆت: راستە ئەز دان ب وێ چەندێ ددەم کو وەکو ستران بەرھەمێ من د سێ سالێن بۆری دا یێ کێم بوویە، ئەو ژی ژئەگەرێ مژوولبوونا من ب ھندەک کارێن دی، ژوانا کارێن خێزانی، لێ من سترانێن نوو ھەنە و ئەز یا ل ھیڤیا دەلیڤەکێ دەست ب تۆمارکرنا وان بکەم و حەزژێکەرێن دەنگێ خوە پشت راست دکەم ھەتا دمرم ژ سترانێ دوور ناکەڤم چونکو سترانگۆتن یا بوویە پارچەک ژ ژیانا من و نەشێم بیێ ستران بژیم.
ناڤھاتی کو ناڤێ وێ یێ دروست (باسکال بشارە ئەلمەشعەلانی) یە، ل سالا ١٦٧٦ ل وەلاتێ لۆبنانێ ژدایکبوویە و ل ١٩٨٨ دەست ب سترانگۆتنێ کریە و ل ٢٠١٠ شووکریە.
ل دووماھیێ گۆت: ئەلبۆما منا نوو ژ دەە تراکان پێک دھێت و دێ بزاڤێ کەم بەری دووماھیا ئەڤ سالە بەلاڤ کەم.