نەشێت خەونا خوە بكەتە راستی
رەمەزان زەكەریا:
كامیرەڤان (زانیار خۆشناو) د دیدارەكێ دا بۆ رۆژناما ئەڤرۆ گۆت: ل سالا 2000 من دەست ب كارێ وێنەگریێ كریە ل ئاهەنگ و دەهواتان، بەلێ بۆ راگەهاندنێ ل سالا 2004 بوو، ب دیتنا من هەموو كەس دشێن كامیرێ بكاربینن، بەلێ هەموو نابنە كامیرەڤان و ژبلی كامیرێ ئەز كارێ مۆنێریێ ژی دكەم، ئانكو پتری بیست و دو سالانە كارێ وێنەگریێ دكەم.
ناڤبری گۆت: هەر چەندە كارێ من هەتا رادەكی ئەز ژخێزان و هەڤالان دوور كریمە، بەلێ من حەزەكا مەزن بۆ هەیە و ئەو حەزو ئەزموون بوونە ئەگەر كو ل وێنەگریا دەهواتان شارەزایەكا تەمام پەیدا بكەم و بگەهمە قوناغا هونەرێ سینەمایی و دراما و كورتە فلم و كلیپان ژی و هەر دەم شانازیێ پێ دبەم و هەموو هیڤیێن من هاتینە بجهئینان بەلێ خەونا منا سەرەكی ئەوە كو ببمە خودانێ پرۆدەكشنەكێ بەلێ ژبەر نەبوونا داهاتەكێ باش نەشیامە هەتا نوكە خەونا خۆ بكەمە راستی و دخوازم كارەكێ سینەمایی دگەل دەرهێنەر و سینەماكار عەدنان ئۆسمان بكەم و شانازیێ ب فلمێ (ئۆنلاین) دكەم كو ل نێزیك دێ ل فیستەڤالێن جیهانی هێتە نیشادان.
