نەشێم بێی وی بەردەوامیێ بدەمە ژیانێ
ئه‌ڤرۆ نيوز:
ژنەکا ٢٦ سالی دلێ خوە بۆ ئەڤرۆ ڤەدکەت و دبێژیت: ئەڤە سێ سالە من شوو ب کوڕ خالێ خوە کریە و مە زارویەک ھەیە، من ئەو دڤیا لێ وی ئەز نەدڤیام بەلێ بابێ وی ب زوری ئەو رازی کر و پشتی مە شەھیانا خوە کری، ھەر ژ دەستپێکا پەیوەندیا مە یا ھەڤژینیێ دا ھەڤژینێ من بو من دیار کر کو چ ھەست و سوز بەرامبەر من نینن و حەز ژ من ناکەت و ئەز ب ڤان رەفتارێن وی گەلەک تیک چویمە و دئێشم، سەرەرای ڤێ چەندێ گەلەک حەز ژ وی دکەم و باوەر ناکەم کو بشێم بێ وی بەردەوامیێ بدەمە ژیانا خوە بۆ زانین بەری من بخوە بینیت وی و کچەکا دیتر ئێکدو دڤیا لەورا ئەز وەسا ھزر دکەم کو ھێشتا دلێ وی لسەر وێ کچێ یە ھەرچەندە چ جارا ژی ئەو بەحسە نەکریە لنک من، ئەڤجا ھیڤیە ھوون چ دبێژن و ئەز چ بکەم؟
خانما ھێژا :
داکو خێزانا بەختەوەر بیت دڤێت ئەڤینی یا ھەردو ئالیا یا بنەما بیت و بزانە کارێ بھێتە دانان لسەر بنەمایەکی نەیێ دروست دووماھیەکا باش نابیت، بەلێ نوکە ئەو ئاخفتن فایدە ناکەن و دڤێت ھزر د ئاریشا نوکە دا بکەی نەخاسمە کو بەرھەمەک یێ ھەی ئەو ژی زارویێ ھەوەیە و ئەگەر شیانێن بەردەوام بونێ ھەبن باشترە برێڤە ببەن و دانو ستاندنێن شەفاف دگەل بکە و ھەموو ئحتمالاتا بو دیار بکە و ئەگەر تو ببینی ھەتا خالەکا ئومێدیێ لنک ھەبیت باشترە بەردەوامبی دگەل، ژبەر کو ھەوە زارویەک یێ ھەی و تو ژی حەژێ دکەی بەلێ ئەگەر ئەو یێ رژد بیت لسەر نەڤیانا تە و تو ھزر بکەی وی ھێشتا دل لسەر وێ کچێ ھەیە ، بێگومان ھەر بدووماھی دێ ھێت باشترە ئالوز تر لێ نەھێت و بدووماھی بینی و ژبیر نەکە و ھشیار بە خوە نە خاپینە کو تو دبێژی ئەز حەژێ دکەم، ئەڤجا ھزرێن خوە بکە کو تو ژی پێدڤیی ھەڤژینێ تە حەز ژ تە بکەت و نزیکی تە بیت لێ پا وەکی تە ئاماژە پێ کری کو ئەو دبێژت من چ ھەست و سوز بەرامبەری تە نینن لێ بزانە ھەر کەسەک پێدڤی ھەست و سوزێن ھەڤژینێ خوەیە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
