نەشێم ژ مالباتا خوە دوور کەڤم
ئه‌ڤرۆ نيوز:
کچەکا ١٨ سالی دلێ خوە بۆ ئەڤرۆ ڤەدکەت و دبێژیت: من شوو ب گەنجەکێ ٢٢ سالی کریە کو ئەو ل دەرڤەی وەلاتی دژیت لێ من ب دلێ خوە شوو پێ کریە و ئەوی زانکۆ ب داوی ئینایە، و مە نیشانیا خوە یا کری چ نەمایە دێ دەواتا خو ژی کەین ئەز گەلەک یا بەختەوەرم، بەس ئەز گەلەک ھزرا دکەم بتایبەتی ھزرێت پاشەروژێ ئەز دبێژم ئەز نزانم کا دێ چەوا ژ مالباتا خوە دوور کەڤم و ئەڤە یا بو من نەخوشە ئەز نزانم کا چ بکەم دا ژ ڤان جورە ھزرا خلاس ببم؟
کچا ھێژا:
سەبارەت شوکرنا تە ھەکە ب دلێ تەبیت و ب رەزامەندیا تە بیت جھێ مەترسیێ نینە، ئەڤجا خوە دوور بێخە ژ وان ھزرێن ڕەشبین بەروڤاژی وان یا گەش بین بە و تو و ھەڤژینێ خوە دێ شێن ژیانێ روژ ب روژ خۆش کەن، لێ ب تێگەھشتنێ و نزیک بونا ھزرا، شووکرن ڕاستە دوور کەفتنە ژ دایک و بابا ژلایێ جەستەیی ڤە، بەلێ نزیک بون دێ ھەر مینیت ژلایێ دەروونی ڤە و ئەو گەلەک فەرترە، ھەر وەسا تەکنولوجیایێ ئەو ئاریشە نەھێلایە و مروڤ ھەست ب دوورکەفتنێ ناکەت.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
