نەهەمین كۆنفرانسێ نێڤدەولەتی یێ زانكۆیا زاخۆ هاتە ئەنجامدان
زاخۆ، دلۆڤان هالۆ:
عەبدولسەلام نەجمەددین، بەرپرسێ سەنتەرێ زاخۆ بۆ ڤەكۆلینێن كوردی ل زانكۆیا زاخۆ بۆ ڕۆژناما ئەڤرۆ دیار كر كو ل ژێر چاڤدێرییا گوهدار شێخۆ، سەرپەرشتێ ئیدارەیا سەربخوە یا زاخۆ، نەهەمین كۆنفڕانسێ زانستی یێ نێڤدەولەتی ل زانكۆیا زاخۆ هاتە ئەنجامدان.
بەرپرسێ سەنتەرێ زاخۆ بۆ ڤەكۆلینێن كوردی خویا ژی كر كو هەر سال ئەو مژارەكێ بۆ كۆنفڕانسی د هەلبژێرن و گۆت: «مە بۆ ئەڤ سالە، ئەفسانەیا كوردی هەلبژارتییە، كو مژارەكا گەلەك گرنگە و شووناسا مە یا كەلتوورییە».
گۆتژی: «د ڤی كۆنفڕانسی دا گەلەك بڕگە و پڕۆگرام و سمینار و ڕوونشتنێن تایبەت هەبوون، ڤەكۆلەرێن 13 وەلاتان ب ڤەكۆلینێن خوە یێن زانستی پشكداری د كۆنفڕانسی دا كر».
