نەورۆزا ئەڤ سالە بوو نەورۆزا تەڤ كوردان
محەمەد مراد
جهێ دلخۆشییا مللەتێ كوردە، ل هەر چار پارچێن كوردستانێ و ژ دەرڤەی وەلاتی كو نەورۆزا ئەڤ سالە، خۆیا بوویە هەستا نەتەوایەتیا وردا یا ئازری و ئێكرێزیا كوردان، د ئاهەنگێن سەرتاسەری ل كودستان و جیهانێ دا دیار بوو، كورد مللەتەكێ ئاشتیخوازن و حەز ژ ئێك دكەن و حزبێن سیاسی چەند دژی ئێك بن، لێ كورد و كوردایەتی برایێن ئێكن، تنێ داخوازیێن وان ئازادییا مللەتێ كوردە ل هەر چار پارچێن كوردستانێ.
و ژ هەمیێ خۆشتر دەمێ مرۆڤێ كورد ئالایێ كوردستانێ د ناڤ ئاهەنگێن نەورۆزێ دا دبینت یێ بلند دبیت ل مهاباد و ئەستەنبول و ئامەدێ و بۆكان و شامێ، جهێ كەیف خۆشی یە، رامانەكا پر بهایی د چاڤێن نەحەزان دا، ئەها هۆسا نەورۆز بوویە نەورۆزا تەڤ كوردان، هەر جهێ كوردەك ژی لێ بوویە ئاهەنگ و ئاگرێ نەورۆزێ ل هەمی جیهانێ هل بوویە و زۆربەی سەرۆكێن جیهانێ و سازیێن نیڤدوەلی ئەڤ جەژنهە ل مللەتێ كورد پیرۆز كریە، هند هەستێ كوردایەتی بلند بوویە، سەرۆكێ دەولەتا توركا ژ ئەنقەرێ پشكداری ئاهەنگا ئامەدێ ببیت، كو پایتەختێ كوردستانێ و كوردایەتی یە و ژ هەمی گرنگتر ب دەستێن خۆ ئاگرێ نەورۆزێ هل كەت و دانپێدانێ بكەت كو نەورۆز یا گەلێ كوردە.
گەلەك نەتەوێن دی ژی ئەڤێ رۆژێ جەژن و ئاهەنگان دكەن، كو رۆژەكا نوی و ئازادی یە و داخواز و پێشنیاركریە، رۆژا نەورۆزێ ل توركیا ببیت بهێنڤەدان ئەڤە ژی جهێ سەرنچ و گرنگیپێدانێ یە، كو كورد ژ لایێ نەتەویی و دیبلۆماسی ڤە د پێشكەفتنەكا مەزن دانن كو یێن دوهی دوژمن و ئاگر دڤەمراندن ئەڤرۆ ب دەستێن خۆ ئاگری هل دكەن، پشكداری ئاهەنگا نەورۆزێ و خۆشا كوردان ببەن، چاڤەرێ دكەین ئەڤ نەورۆر و خۆشییە ببیت پالدەرەكێ سەرەكی بۆ ئێكرێزیێ و خۆشی بەڤیت هەر چار پارچێن كوردستانێ و كورد ژ كوشتن و بن دەستی و زولم و زوردای قورتال بن.
