نەورۆزا سالا 1977 ب رێپیڤان خەلكێ دهۆكێ سروودێن نشتیمانی دگۆتن، روودانەكا مێژوویی بوو
ديدار، سالار محةمةد دؤسكى:
3-3
ل دۆر جهێ كومبوونێن رێكخستنێ ژی، د. عابد گۆت: مالێن مە جهێ كومبوون و ئاخفتنێن نهێنی بوو دناڤبەرا مە دا و مە گەلەك باوەری ب ئێكدو دهات و مالێن مە بگشتی و تایبەت مالا مامۆستا فەهیم عەبدوللا حەمو باوەركە وەك بارەگایێ مە بوو و هەمان دەم مالا دینداری ژی و ئەم هەڤالێن تاخی و وەرزشێ و قوتابخانێ بووین وی دەمی ئەم یاریكەرێن باسك بوولێ بووین لاوان و دووڤ دا بووینە یاریكەرێن هەلبژارتیێ یانا دهۆك یێن باسكت بوولێ .
د.عابد بێسری، گۆت: رێكخستنێن نهێنی دناڤا باژێری دا و تایبەت تەخا قوتابیان مە گەلەك شول دكر و تایبەت ئامادەیا برایەتی رۆلەكێ مەزن مە هەبوو و گەلەك بهێز بووین و دناڤا گەنجان دا و چالاكیێن مە ژی گەلەك بەرفرهـ ب بوون و بەلاڤەكرنا دەنگۆباسا ب رێكا بەلاڤووكان گەلەك دەنگڤەدان هەبوون ل سەر دیواران و مەدانا چەیخانا و مە دكرنە دناڤا رۆژناما دا و هەر جهەكێ چووباینێ مە بەلاڤەدكر.
ناڤبری گۆت: هەر سال نەوروز و رۆژكا تایبەت بوو ل دەف مە قوتابیان و مە هەرست پێ دكر كو دێ برینێ، خوە كەوینین و هەر دەم مە دكرە دەست پێ كەت بخوە دەربكەڤین، دەمێ ئەز قوتابی ل ئامادەیا كاوە لێ زێدەتر بزاڤێن مەیێن رێكخستنێ ل ئامادەیا برایەتی بوون و مامۆستایێن مە پشتەڤانی یا مە دكر و ئەم هانداین و هەمان دەم دگۆتن هەوە ئاگەهـ ژ خوە هەبیت.
هێشتا گۆت: بیرا من دهێت نەوروزا سالا 1977 بۆ جارا ئێكێ بوو خەلكێ دهۆكێ رێپیڤانێ بكەت و سرودێن نشتیمانی بێژیت و ئامادەیا پیشەسازی و قوتابخانێن دهۆكێ پێكڤە سرودا (ئەی رەقیب) (ئەم روژی سالی تازە یە نوروزە هاتەوە) ئەڤە دەسپێكەكا بهێز بوو و پشتی نسكویا 1975ێ و روودانەكا گرنگ بوو و خەلكێ تهێنێ ئازادیێ بوو.
هەمان رێكخستی گۆت: هەتا سالا 1979 رێكخستیێن مە گەلەك بهێز بوون و دووڤ دا ئەم ژێكڤەبووین و ئەز بوومە قوتابیێ زانكۆیێ و چوومە باژێرێ سلێمانیێ و رەنگە پیچەك چالاكیێن مە كێم بوون.
د. عابد بێسری، بەحسێ روودانەكا دی یا مێژووی یا باژێرێ دهۆك كر و گۆت: ل سالا 1982ێ ئەز دادڤانێ چارێ بووم و یاری یا باسك بوولێ بوو دناڤبەرا یانا سلێمانیێ یاكچان و یانا بەصرا یا كچان و یاری ل بنگەهێ لاوان ل دهۆك بوو،(فەهیم عەبدوللا حەمو) دادڤانێ ئێكێ بوو و دناڤبەرا هێزێن ئەمنێ و گەنجان دا بوو شەر و خەلك چوونە دناڤا تاخا دا و سرودێن نشتیمانی دگۆتن و گەلەك هاتنە گرتن، و گەنجێن مە هەمی پشتەڤانێن یانا سلێمانیێ بوون و هەتا ئەم دادڤان ژی مە دڤیا سلێمانیێ ب سەركەڤیت و یانا بەسرا بهێزتربوو و یاری نەهاتەكرن و هەما مە بدووماهی ئینا و كەسەكێ لەشكری هەبوو بناڤێ(ئحسان نیازی) وی خوە ل ئەمنێ دا و جلكێن خوە ب دەلیڤە زانی و رۆلەكێ كاریگەر هەبوو.
د. عابد بێسری گۆت: وی دەمی مەفرەزێن ئەمنێ گەلەك گەریان و ناڤ هەمی گاڤا ڤێ بوون و جارەكێ ل نێزیك تەزیاتیێن سەعید شەربەت ل گەل كاوە فەیسەل نزاركی بووم و كەسەكێ ئەمنێ هات و گۆت ناسنامێن هەوە ئەو دەم بوو دەمێ شانێن مەیێن نهێنی ئاشكرابووین و هەمان دەم ناسنامە ل گەل من هەبوو بەلێ من گۆتێ فمن نینە و ژ نیشكەكێ ڤە ئێك ژ ئەوان كەسان رۆژێن دوشمبا دهات و پرۆفێن (فتوە) ب قوتابیان دكرن و من گۆتێ ما دوشەمبا تو ناهێی پرۆفا ب مە بكەی ما ناسنامێن مە بۆ چنە گۆت هوون ئەو قوتابی نە؟ چ ئاریشە نینە هەما هەرن و بڤی رەنگی ئەم قورتال بووین و ناسنامە ل گەل مە هەبوون و ئەم ترسیاین بدەینە ڤێ و مە هزر كر ناڤێن مە دناڤا لیستێن وان دا هەنە.
د.عابد بێسری گۆت: ل سالا 1979 دەمێ سەركردێ كورد (مەلا مستەفا بارزانی) وەغەر كری ئەز قوتابی بووم ل پشكا ناڤخویی و برادەرەكێ مە هەبوو بناڤێ (ئحسان ممدوح) گۆت رادیویێ ڤەكەن و گوهداری یا دەنگۆ و باسا بكەن و مە رادیۆ ڤەكر و مە ئاگەهـ ژ نووچێ وەغەركرنێ هەبوو قوتابیێن هەولێر و سلێمانی و دهۆك و كەركووك و ل گەل مە بوون و راستی بۆ تازیەكا دروست وێ شەڤێ و مە قورئان دانا سەر و مە دەنگ بلندكر و ئەڤە ژی بوومە كرە ئاریشە ئەو كەسانێن ل گەل قوتابیان كار دكر و گۆتن تو نابیە بەعسی و ئەز ئێشاندم و قوتام ل زانكۆیا سلێمانیێ ژی مە چالاكی هەبوون و كاسێتێن شڤان پەروەر هاتبوون و گەلەك جاران مە كاسێتێن وی تۆمار دكرن و مە تینانە دهۆك و هندەك تۆمارگەهـ هەبوون ل سلێمانیێ مە باوەری پێ دهات و هەتا وێنێن شڤان پەروەر ژی مە ژ سلێمانیێ تینا دهۆك و برایێ من گەهاندە برایەتی و گەهاندە دەستێ(سەربەست لەزگین) و هەتا 300 دانە ژ هاتنە گوپیكرن و ئەڤە لدیف ئاخفتنا وان و هەر دەم وەك پارتی دهاتمە دیتن و هەتا دەمێ قوتابیێ ماستەرێ ژی ل مویسل ب هەمان شێوە دهاتمە دیتن و گەلەك گەنگەشە ل گەل مە دهاتەكرن.
لدور رۆژێن نەخوشێن ژیانا خوە ژی،د.عابد بێسری گۆت: سالا 1977 هەمی گاڤا من هزرا مرنا خوە دكر وی دەمی 17 سالی بووم و خوین گەرم بووم و ئەو سال بۆ خەلكێ دهۆكێ بگشتی دنەخوش بوون چونكە هێزێن ئەمنێ گەلەك دئاریای بوون و تشتێ خوە ل سالا 1978 هژمارێن رۆژناما (خەبات) كەفتنە دەستێ مە و بەحسێ چالاكیێن پێشمەرگەی دكر و مەژی ئەو هەژمار هەمی بەلاڤەدكر
ل دووماهیێ د.عابد عەلی بێسری، ئەندامێ رێكخستنێن نهێنی و شانا (شەفەق) گۆت: بەرەبابێ مە ماندیبوونەكا مەزن دیت و دەربازكر و رەنگە جیلێ نوكە نوزانن ئەڤرۆ چەوا هاتیە، راستە كێماسی هەنە و دێ هەر هەبن و بلا ژبیرنەكەین خەلكێ زور خوە دا كوشتن و هیڤدارم رێكخستیێن نهێنی بەرزەنەبن و بەرپرسێ لقێ ئێك كاك عەلی عونی دەمێ هاتی داخازكرین و دەست خوشی ل مەكریی كەیفا مە گەلەك هات هیڤدارین مافێ ئەڤان رێكخستیان نەهێتە بەرزەكرن و گەلەك سەرا رێكخستنێن نهێنی هاتینە شەهیدكرن و هیڤدارین چاڤدان ل بهێتەكرن.
