نەورۆز
خالد عەلی
ئەڤە هات و تژی بەرملێن وێ
نێرگز وبەیبینن
بایەكێ هوین و تامدای
ب هنگڤێ حەزا ئاخێ
و یادێن بەرهەمێ چاخێ
بەرخوەدانا سەرێ شاخێ
چیایێن كوردستانێ
تژی ناخێ هەناسەیان دكت.
…….
ئەڤە هات
و تێهنا مزگینیا دبیبیكا
چاڤەرێبوونا پێشبینیێن گەش دا دبینت.
…….
وەك لەشێ وەلاتی خەملاندیە
و گول ل بەژنێ ئالاندیە
هیڤییەك نوی چاندیە
و سروودا دیرۆكا ڤی گەلی دخوینت.
…….
ئەڤە هات و ب سەیرانە
گەشت و دیلانە
نووكرن و ڤەگێرانە
پێشڤەچوون و سەرهلدانە
هێمایێ هەبوونا شۆرەشانە
ئالایێ كێشەیەكا پیرۆز دهەژینت.
…….
لەو سال بۆ سالێ
سەرانسەری سنوورێن سەری وخارێ
و ب سایا سەرێ سەرفەرازێن كەتین بەرسێدارێ
وسینگێن سەنگەر وسەروەرێن كوردپەروەر
وپێشمەرگەیێ هەوارێ
نەورۆز یا دهێت
و خوە نێزیكی ئارمانجا سەربەخوەیا
كوردستانێ دگەهینت.
