نەوزاد عەلی: بۆ قۆناغا دویێ گوهۆڕینێن باش هه‌نه
عەلی حاجی :
د داخویانیەکێ دا هاریکارێ راهێنەرێ زاخۆ ئەوا پشکدار د خولا نایابا کوردستانێ یا تەپا پێی دا بۆ رۆژنامه‌یا ئەڤرۆ دیار کر بۆ قوناغا دویێ د پلان دایە سێ هەتا چار یاریزانان ل تیمێ زێدەبکەن و کێشە د هێلا هێرشبەریێ دا هەیە.
زێدەتر نەوزاد عەلی گۆت: تیما مه یا گه‌نجه ل سەر ڕێیەکا دروست بڕێڤه‌دچیت كو ٩٥٪ ژ یاریزانان کوڕێن زاخۆنە ل چاڤ تیمێن دیتر مە کێمترین خەرچیات کریە، بتنێ ل هێلا هێرشبەریێ کێماسی هەنە،هەر چەندە بەری خول دەستپێبکەت یاریزانەکێ بەرازیلی پەیوەندی ب تیمێ کربوو لێ ئاستێ وی باش نەبوو لەوما نەچاربووین دەست ژ وی بەردەین، هەکە مە یاریزانەک ل هێلا هێرشبەریێ هەبا بێ هیچ گۆمان د تیما مە ل سەرێ لیستا خولێ بیت، ئەم دگەل کارگێریا یانێ کۆمبووینە و گەهشتینە بریارەکێ کو د قۆناغا دویێ دا سێ هەتا چار یاریزانان هەڤبەستێ دگەل دا ئیمزابکەین دا کو ئێدی مە پێدڤی ب یاریزانێن تیما زاخۆ د خولا پێشكارێن ئێراقێ یا تەپاپێی دا نەبیت هەر دیسان هێلێن خوە یێن ل پێشیێ ب هێزتر لێ بکەین.
ناڤبری گۆت ژی: تیما مە تیمەکا گەنجە و شیاینە ئاستەکێ باش پێشکێش بکەن د وەرزێ ئەڤ سالە دا ١٠٠٪ ژ ئاستێ وان رازیمە و باوەرم ل سالێن بهێت دا ئەڤ تیمە دێ باشتر بیت.
