نەچارم سترانان ب سێ زمانان ببێژم
بێوار حەمدی:
سترانبێژێ رۆژهەلاتێ کوردستانێ (رامین کایا) کو خەلکێ باژێرێ ئورمیێ یە ددیدارەکێ دا بۆ ڕۆژناما ئەڤرۆ گۆت : هەتا نوکە من سێ بەرهەمێن کوردی هەنە و ل دەسپێکێ من دگەل سترانبێژان ستران دگۆتن تاکو هێدی هێدی بوویمە سترانبێژەکێ باش
دبەردەوامیا ئاخفتنا خوە دا گۆت: ئەز یێ نەچارم سترانان ب سێ زمانان بێژم ( کوردی، تورکی ، فارسی) ژ بەرکو ئەو جهێ ئەز لێ دژیم ئەڤ هەموو نەتەوە لێ هەنە، ئەز دناڤا ئاهەنگان ژی سترانان دبێژم لێ پتر دچمە ناڤا کۆنسێرتان، چونکۆ ئەز ئارامترم و پتر خوەشیێ ژگۆتنا سترانێ دبینم.
رامینی ئەو چەندە ژی دازانین، ب دیتنا من ئەگەر سترانبێژی دەنگەکێ گەلەک خوەش هەبیت پێدڤی ناکەت ئەو چ ئامیرێن مۆزیکێ بژەنیت لێ بەرۆڤاژی دڤێت ئەو ئامیرەکی بژەنیت داکو دەنگێ وی بۆ گوهی خوەشتر لێ بهێت، لێ ب شێوەیەکێ گشتی ژی یا گرنگە سترانبێژ ئالەتەکێ مۆزیکێ بزانیت ویێ شارەزابیت ژبەرکو دێ هەوجەی خوبیت و بزانیت ئەو مولکێ خۆ بتنێ نینە
هەروەسا دیارکرکو مرۆڤ ب کارێ خوە دهێتە پێش چاڤ لەوما ئەز حەزژ بەرنیاسبۆنێ دکەم، بەلێ سترانگۆتن کارەکێ گەلەک هەستیارە لەوما دڤێت ستزانبێژی پتر ئاگەھ ژخوە هەبیت و کەسایەتیا خوبپارێزیت دناڤ جڤاکی دا داکو زەحمەتا وی ب هەروە نەچیت وگۆت ( ژبۆ داهاتی ژی ئەز یێ ئامادەکاریان ژبۆ ئەلبومەکا کوردی دکەم ودێ تشتەکێ تایبەت بیت، لێ من دڤێت بێژم کو دڤێت بەردەوام خەلک پشتەڤانێ سترانبێژان بیت ژ بەر کو ئەو ژی نەشێت بێی ڕازیبونا خەلکی چ پێنگاڤان ب هاڤێژیت.
