نەڤێت کەس مایێ خوە د ستایلێ وێ بکەت
ئەڤرۆ، عەلی حاجی:
مارتین عەبدولکەریم، ئەکتەرەکا باژێرێ دھۆکێ یە، د دیدارەکێ بۆ رۆژناما ئەڤرۆ دیارکر کو ئەکتەری ئێک ژ ئارمانجێن وێ یێن سەەرکی بوو ھەر چەندە ئەو دەمەکێ کورتە ھاتیە دناف ئەکتەریێ دا بەلێ شیایە کارەکێ باش بکەت و دبێژیت ل دووف بابەتێ کلیپێ ئەزجلکان د ھەلبژێرم.
زێدەتر گۆت : د ژیەکێ بچووکدا من حەزا ئەکتەریێ ھەبوو لەوما ئەوا نوکە دکەم ئارمانجا من بوو ھەر چەندە دەمەکێ کورتە ھاتیمە دناف ئەکتەریێ دا بەلێ من شیایە کارەکێ باش بکەم و باوەریا مالا من بوو ئەگەر ئەز بشێم چەند پێنگاڤەکێن گرنگ پاڤێژم و بتنێ من حەز ھەیە ئەز د کلیپێن سترانبێژان دا رولێ ئەکتەریێ رابم، نە ل فلم و کورتە فلمان دا و داخوازی ژ من ھاتیە کرن ژی د کارێن سینەمایی دا پشکدار ببم بەلێ من رەتکرینە ژبەر کو د نوکە دا ئارمانجا من ئەکتەریی یە د کلیپان دا و ئەو باوەری من ب خوە ھەیە کو بشێم کارێن باش بکەم ژبەرکو ئەو شیان ل دەف من ھەنە بشێم کارێن باشتر بکەم و ھەر کارەکێ داخوزا ژ من بھێتە کرن ئێکسەر رازی نابم ژبەر کو یا گرنگە بۆ من بزانم رۆلێ من چیە د وێ کلیپێ دا و ھەکە سیناریۆ ب دلێ من بوو ژ نوو دێ رازی بم، و ھەتا کو ژیانا من یا رۆژانە ژی دا ستایلێ من یێ تایبەتە و ئەڤە ژی ژبەر وێ چەندێ یە دا کو چو کەسەک مایێ خوە د ژیانا مندا نەکەت
