نە هەر كەسەكێ مایك راكر سترانبێژە
سولین سلێمان:
سترانبێژ (شنیار مەجید) كو ژ پارێزگەها سلێمانیێ یە، د دیدارەكێ دا بۆ رۆژناما ئەڤرۆ گۆت: دەمێ ئەز یا بچووك من ستران بۆ زارۆیان دگۆتن و چار كلیپ بۆ وان چێكرینە، كو ل وی دەمی ژیێ من بتنێ نەه سال بوون و هەتا نوكە یا بەردەوامم و من پشكداری د چەند ئاهەنگ و فەستیڤالان دا كریە.
هەروەسا گۆت: دەمێ من سترانا خوە یا ئێكێ ب ناڤێ (دلم لە سینەم دەرچۆ) بەلاڤكری گەلەك دەنگڤەدا و هەتا نوكە خەلكەك من ب وێ سترانێ دنیاسن و هیڤیا من ئەوە دەمێ كەسەكی دڤێت سترانان بێژیت بەری هەر تشتەكی بچیتە دەف هندەك سترانبێژ و مۆزیكژەنان و گوهداریا شیرەتێن وان بكەت، چنكو نەهەر كەسەكێ مایك راكر سترانبێژە و ب مخابنی ڤە دێ بێژم هندەك كەسان ستران یێن هەرماندین.
