هاتنوچوونا دناڤ کەمپێن زاخۆ دا هاتە سنوردارکرن
ئەڤرۆ نیوز، عەلی حاجی :
د داخویانیەکێ دا رێڤەبەرێ کەمپا بێرسڤ دو ل زاخۆ بۆ ئەڤرۆ نیوز دیار کر هاتن چوونا خوە جهێن دناڤ کەمپان دا هاتیە سنور دار کرن و هەکە کارەکێ پێدڤی نەبیت رێک پێ ناهێە دان هاتن و چوون ب هێتە کرن.
زێدەتر ماهر سندی گوت: (بریارا سنور دار کرنا هاتن و چوونا خوە جهێن کەمپێ بۆ ژدەرڤە و دناڤ کەمپێ دا ب بریارا لژنا ناحیا رزگاری بویە بو سێ کەمپێن ل سنورێ وغ ناحێی کو پێک دهێت ژ کەمپێن بێرسڤ ئێک و دو و دەرکارێ و هەمی خوە جهێن کەمپێ ژی هاتینە ئاگەهدار کرن هەکە کارەکێ پێدڤی نابیت رێک ناهێتە دان هاتن و چوون بهێتە کرن و هەتا نابیت کەسەک بۆ کارەکێ دویری کەمپێ ژی دەرکەڤیت بتنێ هەکە ئەو کار فەر بیت و نێزیکی کەمپێ بیت دێ رێک پێ هێتە دان و نوکە دا ئەو بریار کەڤتیە د بوارێ جێبەجێ کرنێ دا و پێدڤی هەمی خوە جهێن کەمپێ ژی پێگیر بن ب وێ بریارێ و ئەڤ بریارە ب مەرەما خوە پاراستنێ ژ ڤایروسێ کورونایێ هاتینە دان).
