هارون ئه‌حمه‌د: دالكۆرد ده‌ستكه‌فت بۆ هه‌موو كوردان تۆماركر
ئه‌ڤرۆ،
نوونه‌را كوردستانێ و یا كوردان تیما یانا دالكۆرد یا سویدی ب فه‌رمی ده‌ربازبوو خولا پلا ئێك یا سویدی پشتی شیایی د یاریا خوه یا دویێ ژ قۆناغا دووماهیێ و پله‌یی ئۆڤ دا وه‌كهه‌ڤ بیت ل گه‌ل یانا گایس ب گۆله‌كێ و دیاریا ئێكێ دا سه‌ركه‌فتن ل سه‌ر هه‌مان تیم ئینابوو ب دو گۆلان به‌رامبه‌ر گۆله‌كێ و سه‌رجه‌مێ هه‌ردو یاریان دا پێشكه‌ڤیت و ده‌ربازبوونێ بۆ وه‌رزێ نوو یێ 2022- 2023 مسۆگه‌ر كه‌ت.
لدور ڤێ ده‌ستكه‌ڤتا یانا دالكۆرد ستێرا وێ و كوڕێ پارێزگه‌ها دهۆكێ و باژێرێ ئاكرێ هارون ئه‌حمه‌د بۆ رۆژناما ئه‌ڤرۆ گوت: گه‌له‌ك كه‌یفخووشم ئه‌م وه‌كو ستاڤه‌كێ یانا كوردستانی ل وه‌لاتێ سوید و ئۆرۆپا دا ده‌نگڤه‌دایی و شیاین ببینه باشترین نوونه‌رێن ڕه‌ڤه‌ندا كوڕد ل ئۆرۆپا و یانا مه بوویه جهێ سه‌ربلندیا هه‌موو كوردان و دوباره ڤه‌گه‌ڕێنه پلا ئێكا سوید و شانازیێ ب ڤێ ده‌ستكه‌ڤی دبه‌ین پێنه‌ڤێت هه‌موو كوڕد ژی و وه‌رزشڤانێن كوردستانێ كه‌یفخووشن.
ژلایه‌كێ دووڤه ناڤهاتی گوت: ئه‌و ئارمانج و پلانێن هاتینه رێكخستن ئه‌م شیان بجه بینن سه‌رباری ئه‌ركێ مه ب سانه‌هی نه‌بوو ژبه‌ركو گه‌له‌ك ئاسته‌نگ كه‌ڤتبوونه د ڕێكا مه دا ژوانا گوهۆرینا سێ راهێنه‌ران د ئێك وه‌رزی دا لێ رژدیا ده‌ستڤه‌ئینانا ئارمانجا شیاین بگه‌هینه هیڤیێن خوه و ده‌ستكه‌فتا دالكۆر بۆ هه‌موو كوردانه ل هه‌ر چار پارچێن كوردستانێ و ڕه‌ڤه‌ندا كورد ل ده‌رڤه، هیڤیێن من وه‌كو یاریزانه‌كێ كورد بجه هاتینه كو ل گه‌ل یانه‌كا مه‌زن وه‌كو دالكۆر ب گه‌هینه قۆناغێن باشتر و دێ به‌رده‌وامبین هه‌تا ببینه هژماره‌ما زه‌حمه‌ت د خول و قاره‌مانیێن سوید و ئۆرۆپا دا.
