هارۆنی مانا خوه د ناڤ هه‌لبژارتیێ ئیراق دا پاراست
عەلی حاجی:
د داخویانیەکێ دا ڕاهێنەرەکێ تایکواندۆیێ ل زاخۆ بۆ رۆژنامه‌یا ئەڤرۆ دیار کر کورێ زاخۆ شیا ببیتە قارەمانێ ئیراقێ ب یاریا تایکواندویێ و جهێ خوه دناڤ رێزێن هه‌لبژارتیێ ئیراقێ دا پاراست .
زێدەتر سەلام عەلی گۆت: پشتی یانەیا شورتە تیما خوە یا تایکواندۆیێ ب شێوەیەکێ دەمکی ڕاگرتی، کورێ زاخۆ هارون عەبدوللا ئێکسەر پەیوەندی ب یانه‌یا ئیتسالات کر و وەکو یاریزانێ وێ یانەیێ ژی پشکداری د قارەمانیا ئیراقێ یا تایکواندۆیێ ل سەر ئاستێ لاوان دا کر و شیا بۆ جارا چارێ رێزا ئێکێ ب دەستخوەڤە بینت، هەر دیسان ژی بۆ هەلبژارتیێ ئیراقێ یا یاریا تایکواندۆیێ ژی هاتە داخاز کرن و د وێ قارەمانیێ ٦١ یانەیان ژ سەرجەمێ ٣٥٠ یاریزانان پشکداری تێدا کربوو و قارەمانی ژی یا ب هێز بوو لێ هارونی شیا هەمی هەڤرکان بشکێنیت و رێزا ئێکێ ب دەستخوەڤە بینیت،هارون هەر یاریزانێ یانەیا شورتەیە و ب خواستن بەر ب یانه‌یا ئیتسالات ڤە چوویە و پشتی کارا کرنا تیما تایکواندۆیا شورتە دێ دوبارە ڤەگەریتە یانەیا خوە ڤە.
ناڤبری گۆت ژی: هەکە پشتەڤانی هەبیت دێ هارون عەبدوللای هێلینە دگەل یانەیا زاخۆ لێ پشتەڤانی نینە و بۆ یاریزانەکێ وەکو هارونی ب زەحمەتە ژی بشێت بێ پشتەڤانی بەردەوامیێ بدەتە یاریێ.
ل دوماهیێ گۆت ژی: بەردەوام چاڤدێریا هارونی دکەم و یەکەیێن ڕاهێنانان ل دەف من ئەنجام ددەت و دێ بەردەوام ژی بم د پشتەڤانیکرنا وی یاریزانی دا.
