هاریكاریا خودان پێدڤیێن تایبه‌ت ل ئاكرێ دهێته كرن
ئاكرێ، ره‌مه‌زان زه‌كه‌ریا:
رێكخراوه‌كا خێرخوازی ب هه‌لكه‌فتا هه‌یڤا ره‌مه‌زانێ ل ده‌ڤه‌رداریا ئاكرێ هه‌ژماره‌كا چالاكیان ئه‌نجام دده‌ت و هاریكاری ژی ل سه‌ر خودان پێدڤیێن تایبه‌ت به‌لاڤكرن.
حه‌سه‌ن عه‌لی سورچی، سه‌رۆكێ رێكخراوا (هاوكاری مرۆڤی كوردستان) بۆ ئه‌ڤرۆ گوت: “ب هه‌لكه‌فتا هه‌یڤا ره‌مه‌زانێ، مه ل پڕانیا ده‌ڤه‌ران چالاكی ئه‌نجام داینه، دیسا ب مه‌ره‌ما پتر خزمه‌تكرنا هه‌ژار و كێمده‌رامه‌ت و خودان پێدڤیێن تایبه‌ت، مه لقه‌كێ رێكخراوێ ل ئاكرێ ڤه‌كر، بۆ وێ چه‌ندێ ل ئاكرێ و ناحیێن ده‌ردور ژی خزمه‌تا وان بكه‌ین”.
گوتژی: “ل ده‌ڤه‌رداریا ئاكرێ 23 عه‌ره‌بانه ل سه‌ر هه‌ژماره‌كا خودان پێدڤیێن تایبه‌ت هاتنه به‌لاڤكرن و ئه‌ڤ چالاكیه دێ دبه‌رده‌وام بن”.
