هاریكاریا 28 كچێن ژ ده‌ست داعش رزگاربووى دهێته كرن
ئه‌ڤرۆ نیوز ، بارزان مزوورى
رێڤه‌به‌رێ ناحیا باعه‌درێ ، شه‌مال محه‌مه‌د ئه‌دیب، بۆ ئه‌ڤرۆ نیۆز دیار كر كۆ هاریكاریێن تایبه‌ت یێن پارێزگه‌ها دهوك ژ پێداویستیێن ژیانێ و مالێ و یێن دارایى ل سه‌ر وان كچێن ل ده‌ستێن داعشدا رزگار بووین یێن ئیزدى ئه‌وێن نها ل ناحیا باعه‌درێ ئاكنجى بوون به‌لاڤ كرن .
ناڤبرى دیار كر كۆ ژمارا وان كچان 28 كچێن ئیزدى یێن ده‌ڤه‌را شه‌نگال ژ ده‌ستێن داعش هاتینه رزگار كرن ل مووسل و ته‌له‌عفه‌ر و ره‌قه دناڤ سه‌نته‌رێ ناحیێ دا چاڤدێرى ل وان دهێنه كرن .
ناڤبرى دیار كر كۆ دوماهیك ژمارا ئاواره‌یێن ل ناحیا باعه‌درێ ئاكنجى گه‌هشتیه 1442 سه‌روك خێزان ل ناڤ سه‌نته‌رى و گوندا ئاكنجینه دناڤ مالا و كاڤلان دا .
