هاریكاریا 480 خێزانێن كێم ده‌رامه‌ت دهێته كرن
ئامێدیێ، مه‌حمود نهێلى
ده‌زگه‌هێ خێرخوازیێ بارزانى رابوویه ب دابه‌شكرنا هاریكاریان ب سه‌ر 480 خێزانێن هه‌ژار و كێم ده‌رامه‌تێن سنورێ هه‌ردوو ناحیێن دێره‌لۆك و شێلادزێ .
شه‌ڤگێر ره‌مه‌زان نوونه‌رێ ده‌زگه‌هێ خێرخوازى یێ بارزانى ل شێلادزێ بۆ ئه‌ڤرۆ نیوز دیاركر، زێده‌بارى وان هاریكاریێن ئه‌و ب سه‌ر ئاواره‌یان دا دابه‌ش دكه‌ن ئه‌وان ب فه‌ر دیت سنورێ هاریكاریێن خوه به‌رفه‌رهتر بكه‌ن و گۆت: ( دڤێ هه‌وا هاریكاریان دا ئه‌وان هاریكارى ب سه‌ر هه‌شتێ خێزانێن سنورێ ناحیا دێره‌لۆكێ دابه‌شكرن كو پێك دهاتن ژ چه‌ندین جورێن ئازوقه‌ى).
ناڤبرى ئه‌و یه‌ك ژى ئاشكراكر، كو به‌رى دوو رۆژان ژى ئه‌وان هه‌ر هه‌مان جورێ هاریكاریێ ب سه‌ر 400 خێزانێن شێلادزێ و سیریێ دا به‌لاڤكرینه.
