هاریكاری ل سەر 183 خێزانێن زیانڤێكەفتی ل زاخۆ هاتنە بەلاڤكرن
زاخۆ، دلۆڤان هالۆ:
قاسم عەونی، ڕێڤەبەرێ كۆچ و كۆچبەران و بەرسڤدانا قەیرانان ل زاخۆ بۆ ڕۆژناما ئەڤرۆ دیاركر كو ل دووڤ ڕاسپاردەیا گوهدار شێخۆ، سەرپەرشتێ ئیدارەیا سەربخوە یا زاخۆ، وان ب هەڤكاری ل گەل ناڤەندا هەڤپشك یا قەیرانان هاریكاری ل سەر 183 خێزانێن زیانڤێكەفتیێن لەهیا زاخۆ یا سالا بۆری بەلاڤكرن.
ڕێڤەبەرێ كۆچ و كۆچبەران و بەرسڤدانا قەیرانان ل زاخۆ گۆت: «ئەڤ هاریكاریە ژ كارتوونەكا ئاهێن خوارنێ و كارتوونەكا پێدڤیێن زاڕۆكان و دو بەتەنی پێكهاتیبوون، هەر خێزانەكێ مە دو كارتۆن و دو بەتەنی دانێ«.
گۆت ژی: «ڕێكارێن پێدڤی هاتینە كرن ژ بۆ قەرەبووكرنا ڤان خێزانێن زیانڤێكەفتیێن لەهیا زاخۆ، بۆ ڤێ مەرەمێ ژی ناڤێن وان خێزانان ل ئیدارەیا سەربخوە یا زاخۆ هاتینە تۆماركرن».
