هاریوان د وێنەگرتنێ دا هەڤڕكیا برایێ خوە ناكەت
هەرهین محەمەد:
وێنەگر (هاریوان ئۆرەماری) د دیدارەكێ دا بۆ رۆژنامەیا ئەڤرۆ گۆت: وێنەگریێ ئەز فێری گەلەك تشتان كرم، وەكو مۆنتاژ و فوتۆشۆپی و ڤیدیۆیێ و چێكرنا ئەلبۆمێن بووك و زاڤان و فڕینا درۆنێ و هندی مرۆڤ فێری كارەكی بیت باشە و نەخرابە و ب هاریكاریا برایێ خوە (غاندی) فێری هەموو كاران بوویمە و چو جاران د كاری دا هەڤڕكیا وی ناكەم و ئەز بێی وی چو كاران ناكەم.
هێشتا گۆت: دەمێ ل نك غاندی چوویم نیازا من ئەو بوو ئێدی ەڤی كاری نەكەم، بەلێ من دیت ژ زارۆكینی من ئەو كارەكریە و ئێدی نەشێن ژنوو چوو كارێن دی بكەم و هەكە من كارەكێ دی كربا دا بۆ من یا ب زەحمەت بیتن لەورا زڤڕیمە كارێ خوە ڤەو ل ڤێ دووماهیێ گەلەك وێنەگر دەركەفتینە و گەلەك ژوان د زیرەكن ژی و یێن هەین ژی نە دزیرەكن و هەكە وێنەگریێ نەكەن و بۆ وان باشترە و چوونا دەواتان نوكە هەموو بوویە ستاف و ئەز ب خوە دەمێ دچم دەواتەكێ وێنە دكەم گەلەك وێنەگران ل گەل خوە نابەم و دشێم ب شێوەیەكێ جوان كارێ خوە ئەنجام بدەین و خودانێن دەواتێ ژ خوە رازی بكەین.
