هاریکاریێن وەلاتیان ناگەهنە دەستێ لێقەومیێن ئیرانێ
ئەڤرۆ نیوز:
رزا بەهمەنێ ئەندامێ رێکخراوا مافێ مرۆڤی یا رۆژهەلاتێ کوردستانێ بۆ ئەڤرۆ نیوز راگەهاند کو پشتی لەهیێن ڤێ دووماهیێ ل ئیرانێ و رۆژهەلاتێ کوردستانێ ل هەموو ئیرانێ خەلکی و رێکخراوێن خێرخوازیێ دەست ب کۆمکرنا هاریکاریان کرینە، لێ مخابن هندەک دەزگەهێن سەر ب دەولەتێ ناهێلن هاریکاری بگەهنە دەستێ لێقەومیان و گۆت: (بەری نها ل کرمانشانێ ژی رێژەکا زۆر یا هاریکاریێن خەلکی هاتنە دزین، نها خەلک دخوازن بخوە هاریکاریان بگەهیننە وان دەڤەران یێن وەلاتی تووشی زیانێن مەزن هاتینە).
ناڤهاتی راگەهاند کو ل رۆژهەلاتێ کوردستانێ ژی چەندین دەڤەر بەر ب لەهیان کەفتینە و خوشبەختانە خەلکێ مە هەر زوو دەستێ هاریکاریێ درێژی برایێن خوە کرن و رێژەکا باش یا هاریکاریان هاتینە کۆمکرن.
