هاككه‌ر ڤێ رێيا نوو بكاردئينن بۆ هاككرنا جيمێلى
زێده‌ترى دو مليار و نيڤ ميلۆن هژمارێن جيمێلى كه‌فتينه به‌ر كه‌ڤێن هاككرنێ، هه‌ر چه‌نده كۆمپانيا گۆگل پشت راستيێ دده‌ته بكارئينه‌ران كو ژمارێن وان يێن نهێنى ب سلامه‌تن به‌لێ هاككه‌ران بۆ ڤێ جارێ رێيێن جودا بكار ئيناينه و ل ڤێره دێ هه‌وه ل سه‌ر فێلێن وان هشيار كه‌ين.
هه‌كه‌ر پێشتر هاككه‌ران ب رێيا ژمارا نهێنى هژمارێن بكارئينه‌رێن جيمێلى و گه‌له‌ك تۆڕێن دى يێن ژ ڤى ره‌نگى هاك دكرن، به‌لێ دنها دا رێيه‌كا نوو بكاردئينن و شياينه ژماره‌كا زۆر يا ئيمێلان هاك بكه‌ن ب تايبه‌ت ژى يێن كۆمپانيا گۆگل و ده‌ست ب سه‌ر وان پێزانينێن د ناڤ دا بگرن.
بۆ ڤێ جارێ، هاككه‌ران په‌نا بريه به‌ر تله‌فۆنان. كه‌سه‌كێ نه‌نياس كو د راستى دا هاككه‌ره، دێ په‌يوه‌نديێ ب ته كه‌ت و خوه وه‌سان ده‌ته نياسين كو ژ كۆمپانيا گۆگل په‌يوه‌نديێ ب ته دكه‌ت و هژمارا ته يا جيمێلى ل به‌ر گه‌فايه و لينكه‌كى بۆ ته هنێريت دا كو پاسوردێ خوه نوو بكه‌يى و ل ده‌مێ تو پاسوردێ خوه ل وێرێ دنڤيسى ئێكسه‌ر دێ ل ده‌ف وى ديار كه‌ت و ب ڤێ رێ دێ ب له‌ز پاسوردێ ته گوهۆڕيت و ئێدى ئه‌و كه‌س نامينيت خودانێ وێ هژمارێ.
بۆ ده‌ڤه‌رێن وه‌كو عيراقێ و هه‌رێما كوردستانێ ژى دڤێت هه‌تا راده‌كێ باش د هشيارى ڤان كه‌سان بين، ب تايبه‌ت ژى كو دبيت هه‌تا راده‌كى په‌يوه‌ندى يا ب زه‌حمه‌ت بيت، به‌لێ ئه‌و دشێن هه‌مان كار ب رێيا لينكى ژى بكه‌ن، ئه‌ڤجا گه‌له‌ك دهشيارى هژمارێن خوه بن و لينك و په‌يوه‌نديان ژ كه‌سێن نه‌نياس وه‌رنه‌گرن.
گه‌له‌ك يا گرنگه بۆ ماوێ سێ يان شه‌ش هه‌يڤان هژمارێن خوه يێن تۆڕێن تو ب كار دئينى ب گوهۆڕى و ل ده‌مێ گوهۆڕينێ ژى تشتێ ل به‌رچاڤ وه‌ردگرى ئه‌وه كو بزاڤێ بكه يێ ب زه‌حمه‌ت و ب هێز بيت و پيتێن مه‌زن و بچووك تێدا بن ل گه‌ل هێما و ژماران.
