هالاند بوو مان ستی ئێكلابوو
ئه‌ڤرۆ،
راپۆرتێن رۆژنامه‌ڤانی ل وه‌لاتێ ئنگلترا دۆپاتی ل سه‌ر چوونا ستێرا نه‌رویجی و یانا بورۆسیا دۆرتمۆند یا ئه‌لمانی ئیرلینگ هالاند بۆ یانا مانچسته‌ر ستی و بتنێ راگه‌هاندنا فه‌رمی مایه بۆ ئێكلاكرنا گرێبه‌ستی.
رۆژناما the sun یا بریتانی دیاركر یانا مان ستی ستێرا نه‌رویجی رازیكریه و كۆژمێ 75 ملیۆن وه‌كو به‌ندێ مه‌رج بۆ یانا ئه‌لمانی به‌رهه‌ڤكریه ژبه‌ركو گرێبه‌ستا هالاندی ل گه‌ل دۆرتمۆندێ هه‌تا خزیرانا 2024ێ لێ مافێ هه‌یی ب مه‌رجێ دانا پارێ دیاركری گرێبه‌ستا یانه‌كا دی ئیمزابكه‌ت، ئه‌ڤچه‌نده ژی یانا مان ستی شیایه وی مه‌رجێ بجه بینت و هالاندی رازی بكه‌ت كو پشتی گه‌هشتینه رێكه‌فتنێ بڕیاره دڤێ حه‌فتیێ دا راگه‌هاندنا فه‌رمی بهێته كرن.
هه‌مان رۆژنامێ دیاركر ئه‌و مه‌رجێ كه‌سایه‌تی یێ هالاندی داخوازكری یانا ئنگلێزی دێ بجهئینت ئه‌وژی وه‌رگرتنا مووچه‌كێ حه‌فتیانه دگه‌هیته 500 هزار پاونێ ئسترلینی و گرێبه‌ست بۆ ماوێ پێنج سالان ب 63 ملیۆن پاونا هێته ئیمزاكرن.
