هانا ئیبراهیم: ب پشته‌ڤانیا خێزانێ گه‌هشتیمه ئاستێن بلند
ئه‌ڤرۆ، سۆلین سلێمان.
د دیداره‌كێ دا یاریزانا یاریا كاراتێ و خه‌لكا باژێرێ چه‌مچه‌مال هانا ئیبراهیم دیاركر هه‌كه پشته‌ڤانیا خێزانا من نه‌با د بوارێ وه‌رزشێ دا ئه‌ز نه د گه‌هشتمه ئاستێ نوكه تێدا یاریێ دكه‌م و ل گه‌ل هه‌لبژارتیێ ئیراقێ پشكداری راهێنانان بوویمه.
زێده‌تر ناڤهاتی بۆ رۆژناما ئه‌ڤرۆ گۆت: د مالا مه دا ئه‌م سێ خویشك یاریزانێن ئاست بلند د یاریا كاراتێ دا وه‌رزشا خوه دكه‌ین و ئه‌ڤ چه‌نده ژی هه‌ر ژ زارۆكینیا خوه مه گه‌له‌ك حه‌ز ژێ كریه تایبه‌ت هونه‌رێ ڤێ یاریێ چه‌نگی یه كو شێوازێ خوه به‌ره‌ڤانیكرنێ و رێزگرتن و ڤیانه، بۆ ماوێ ساله‌كه یاریا كاراتێ كریه كو د ده‌مه‌كێ گۆنجایی دا شیایم پشكداری چه‌ندین قاره‌مانیێن نافخۆ دا بكه‌م ژوانا قاره‌مانیا پارێزگه‌ها سلێمانیێ و دیسان دو قاره‌مانیێن سه‌ر ئاستێ ئیراقێ ل یالا بوری كو شیام رێزا ئێكێ بده‌ستڤه بینم و بۆ هه‌لبژارتیێ ئیراقێ ژی بهێنه داخوازكرن ئه‌ڤچه‌نده ژی هیڤی و ئارمانجێن مه مه‌زنتر كرینه.
ژلایه‌كێ دووڤه هانا یا 20 سالی دیاركر پێدڤیه ئافره‌ت هێز و شیانێن خوه ده‌ربێخیت و گرنگیێ ب وه‌رزشێ بده‌ت و بكه‌نه پشكه‌ك د ژیانا خوه دا كار پێ بكه‌ن ژبه‌ركو نه بتنێ بۆ ده‌ستڤه ئینانا ناسناڤان یان چالاكیێن وه‌رزشی به‌لكۆ بۆ ته‌ندروستیا وان و خوه پاراستن ژ هه‌ر نه‌خووشیه‌كێ ژی و گۆت: سۆپاسیا خێزانا خوه دكه‌م كو ئه‌ڤ باوه‌ریه دایه من و گه‌هشتیمه ڤێ ئاستێ ئه‌ز تێدا و هاریكار و پشته‌ڤانێن من بووینه.
