هان کانگ خەڵاتێ نۆبلێ وەرگرت
بلند محەمەد
هان کانگ خەڵاتێ نۆبل ب ئەگەرێ ئاشکراکرنا «دەردەسەریێن ژیانا مرۆڤان» وەرگرت.
نڤیسەرا کوریا باشوور هان کانگ یا دژیێ ٥٣ سالیێ دا خەلاتێ نوبل یێ وێژەیی وەرگرت.
خەڵاتێ نۆبڵ یێ وێژەیی ب ئەگەرێ «شێوازێ وێ یێ شیعریێ چڕ کو ڕووبڕووی زەبر و زەنگا مێژوویی دبت و دەردەسەریێن ژیانا مرۆڤی ئاشکرا دکەت» خەلات پێ وەرگرت.
هان کانگ گۆت: ب ڤێ هەلکەفتێ ئەز چ ئاهەنگان ناگێڕم و چ کونگرەیێن رۆژنامەڤانی ژی سازناکەم و خەلک ل جهێن جودا جودا دهێنە کوشتن.
بابێ وێ یێ ٨٥ سالی، پێش وێ ڤە بۆ دەزگەهێن راگەهاندنێ ئەڤ چەندە دیار کر و گۆت: هان دبێژە، ئەڤ خەلات دڤی دەمی دا ب من نەهاتیە بەخشین دا ئاهەنگا بگێڕم، بەلکو پێدڤیە پتر ل سەر خوە بم و ئەرکێ سەر ملێن من گرانتر لێکر.
هان کانگ، کچا ڕۆماننڤیس هان سیونگ وون ە.هەژی گۆتنێ یە، هان کانگ ب ڕۆمانا “ڕووەک” خەڵاتێ نێڤدەوڵەتی (مان بووکەر) ل ساڵا ٢٠١٦ ێ وەرگرت.
هان، خودانا ڕۆمانا «کتێبا سپی» و « رووەکخور» ە و ئێک ژ باشترین ١٠٠ رۆمانان ژ لایێ ڕۆژنامەیا نیویۆرک تایمز هاتیە هەلبژارتن.
کۆمەکا بەرهەمێن وێ بۆ زمانێ عەرەبی هاتینە وەرگێڕان وەکو:
«ڕووەکخۆر» وەرگێڕانا مەحمود عەبدولغەفار
«کتێبا سپی»، «کریارێن مرۆڤان» وەرگێڕانا محمد نەجیب.
