هاویشكرن ب وه‌رزشێ
ته‌ندروستیا هنگو نه‌یا باش بیت، ل گوره‌پانێ غاردانێ بكه‌ن دێ ساخبن. كێله‌ك و گولچیسكێن هه‌وه ب ئاریێن ل ستادیومێ بڕێڤه هه‌رن دێ به‌ركێن هه‌وه هێنه خارێ. كاهره‌ب بچیت هه‌رنه سه‌ر كورسیكا هه‌تا بهێت! ئه‌گه‌ر هنگ د به‌تال و عه‌تال و بێ كار و شول بن هه‌رنه پێش ته‌پانێ!، یان ته‌پكانێ بكه‌ن و په‌حینا ده‌ینن ته‌پكێ. نه تنێ باژێرێ زاخو پێتڤی ب ژێربنگه‌هی یا ئاڤه‌دانكردنێ یه به‌لكو هه‌می باژێر و باژێروكێن مه پێتڤی بنگه‌هێ ژێردانا ئاڤاهیێ یه، وه‌لاتێ به‌رازیلێ به‌ری ستادیومێن خوه ئاڤا كرین (ئوتوبان، شه‌مه‌نده‌فڕ، هێلێت ترافیكێ یێن به‌رفره‌ه ئاڤاكرن، ژ به‌ركو كورسیكێن ستادیومێ ب هزاره‌ها تێدا بوون! ئه‌ڤ مرۆڤه هه‌می ب ته‌كسیان ناهێنه پێش یاریێ!، ئه‌م ئاڤاكرنێ ژ بنی یان ژ سه‌ری ده‌سپێ دكه‌ین؟.
(بنگه‌هێ ژێردانای) چییه؟ ژێرئاڤاهییا وه‌لاتی دپلا ئێكێدا ( ئاڤه‌كا پاقژه، كاهره‌به، خه‌سته‌خانه و كه‌رتێ ته‌ندروستیێ یه، په‌روه‌رده و خواندن و كادرێ زانستی یه، ڕێك و جاده و هاتن و چوون، بهێزكرنا ده‌زگه‌هێن میرینه د خزمه‌تا وه‌لاتی دا بن! قڕكرنا گه‌نده‌لی و ئاڤاكرنا زارۆكایه بۆ پاشه‌رۆژا وه‌لاتی، به‌ری كه‌یفێ ل سه‌ر گیفك و گلێشێ خوه بكه‌ین! ما ئه‌زێ فه‌رمانبه‌رێ مفلسێ بێ پاره دێ ل مۆلا چ كه‌م؟ چ بكڕم ب وێ وه‌ره‌قا ده‌ین و قه‌ر؟! كوپه‌كێ قه‌هوێ پێ بكڕم یان بچمه دكانا حه‌جی هنده‌ك پتاتا بكڕم؟ ل وه‌لاتێ نه‌رویج ده‌مێ ژن زارۆكێ خوه دبیت 14 رۆژا مێهڤانی هوتێلێ دكه‌ت دا شییانێت خوه ڤه‌گه‌رینیت! هه‌روه‌سا نه‌خوه‌شێن خوه ل ستادیوم و مه‌لاڤانگه‌هاندا ته‌ندروستییا وان چاره دكه‌ت!.
نه‌فتا كوردستانێ گه‌له‌ك ژ نه‌فتا نه‌رویجێ پاقژتر و گرانتره ب پلا ئێك! ئه‌ز وه‌ك (وه‌لاتی) دناڤبه‌را كه‌رتێ تایبه‌ت و بازرگانێ زك فه‌رده دا چ قازانجدارم د ڤێ پێشكه‌فتنێ دا؟ و حكومه‌ت كانێ یه؟ نها ئه‌م جێوازیێ د حكومه‌تێ و كه‌رتێ تایبه‌تدا ناكه‌ین؟ ئه‌م نزانین هوتێلا 5-6 ستێر یا كێیه؟ مه چ زه‌نگین ل دهوكێ و كوردستانێ نه‌بوون كو سه‌رمالێ وان بگه‌هیته ملیارێن دولاری!!! من باوه‌ره كه‌سێ شیانێت دیفچوونێ نینن ل سه‌ر كه‌رتێ تایبه‌ت! هیچ لایه‌ن نینه ئێك پێنگاڤێ ژی ل دوویڤ كه‌رتێ تایبه‌ت بچیت! ئه‌م دێ ته‌پكانێ كین باشتره!. گوتنه‌كا مه‌زنا دبێژیت: كه‌س وه‌كی خودانی كه‌رێ خوه نانیاسیت.
