هاڤیبوون: ڤەڕێژا مژا ژییەکی

دلدار محەمەد

(1)

سلاڤکر، ل جڤاتێ روینشت و ئەو سوحبەتا گەرم و ئەو پەیڤینا ژ پەنجەرەیێ دهاتە گوهان بێدەنگ بوو.

(2)
بەر ب وانڤە چوو دا بگەرمی سلاڤ بکەت، ژدوور ڤه دیت هەردویان کرە کەنی، ب وێ گەرمییێ ڤه نێزیک بوو و بەرسڤەکا ساڕ وەرگرت.
(3)
دەمێ ل کۆلانێ ژۆردا هاتی، گەلەک گڕنژینێن تڕانکی چاڤێن وی تژی کر.
(4)
ژ قوتابخانەیێ ڤەدگەڕیا، هەردو ژنێن جیرانێن وان پستەپستەدکرن، لدۆر خۆ زڤڕی دیت هەردو یێ ل وی دنێرن و دگڕنژن.
(5)
دناڤ کۆمێ دا یێ ڤەدەربوو، ل کاروانا کەس دگەل دا نەبوو.
(6)
ل بەر خۆدیکێ راوەستا، چ سەرێن زێدە وچ شاخ بخۆڤە نەدیتن.
(7)
ئەڤه هندە سالە کۆمەکا بۆچی و نزایان د سەرێ وی دا ملێن خۆ داینە ئێک و دەم بۆ دەمی بابلەکانا گۆمانێن وان گەرمتر دبیت.

کۆمێنتا تە