هاڤێتنا دەرمانێن كێمیاویی پێدڤیە ب رێكەكا زانستی و ل جهێن تایبەت بیت
بەرپەرێ ساخلەمیێ:
د.ئومێد عدنان بامەرنی، دیاركر كو هندەك دەرمان هەنە نەخۆشێ پەنجەشێرا زارۆكان دشێت ل مال وەربگریت، چ ب شێوێ حەب یان شرۆب بن و دیاركر: دەرمانێن كیمیاوی مەرەم ژێ ئەوە كو نە ب تنێ خانێن پەنجەشێرێ پویچ دكەن، بەلكو هندەك جارا خانێن دروست ژی پویچ بكەت، لەورا پێدڤیە دەرمان ب رەنگەكێ زانستی بهێتە وەرگرتن، كو زیانێ ل مرۆڤی و دەوروبەرێن مرۆڤی نەكەت و گۆت: دەمێ حەبێن چارەسەریا كیمیاوی بۆ پەنجەشێرێ ددەنە زارۆكی، پێدڤیە بەری دانا حەبا، ئەو كەسێ ددەتێ دەستێن خۆ باش بشوت و دوور بكەڤیت ژ خوارن و ڤەخوارنێن دهێتە ب كارئینان، هەروەسا راكرنا وان پێدڤیە یا دوور بیت ژ دەستێن زارۆكان كو نەشێن بگەهنێ، چونكو هەكە ب شاشیڤە قورچەكا زێدە بۆ هاتە دان، یان ئێكێ ساخلەم ئەو دەرمان ب شاشیڤە ب كارئینان هەلبەت دێ زیانێن وێ گەلەك بن.
د.ئومێد عدنان بامەرنی، دیاركر كو گەلەك ەجارا ئەم دبێژینە دایكا نەخۆشی حەبێ كەركە و بدە زارۆكی و هندەك جارائەو پارچا دمینیت دهێتە هەلگرتن و هندەك جارا ئەم دبێژینێ ب هاڤێژن، یان دەرمان دەمێ ئێكسپایر دبیت، پێدڤیە بهێنە هاڤێتن و گۆت: هاڤێتنا وان پێدڤیە ب رێكەكا زانستی و ل جهێن تایبەت بیت، نە هەر جهێ هەبیت بۆ بهێنە هاڤێتن و گۆتژی: پێدڤیە ل مال ب دروستی سەرەدەری دگەل دەرمانی بهێتەكرن، داكو نەخۆش پێدڤی نەبیت، هەر جار قەستا نەخۆشخانێ بكەت بۆ وەرگرتنا دەرمانی.
