هایكۆیێن پاییزی
شعر: ماجد الحیدر
(١)
دوو چپك ژ بارانێ
چپكەك ژ ڕۆندكێ
كوچكێ پاییزێ تەڤاڤكر
(٢)
چانتایەكا گران
تەقن و زكەكێ ڤالا
چوونا خواندنگەهێ
(٣)
“هوون بخۆن
ئەز یا تێرم”
دایك درەوا دكەن
(٤)
“نەخێر، نە ژ ترسێیە، ژ سەرمایێیە،
یان ژی، دبیت خوینبەربوون بیت
سەربازەكێ بریندار
(٥)
چ چووچك ل سەر داران نینن
چ چووچك ل ئاسمانی نینن
تڤەنگا نێچیرێ كەچ ناكەت
(٦)
١٩٦٠….
٢٠٢٠.
شێست پاپۆرێن ڕەشەیان
شێست قۆرتالبوونێن ب سودفە
(٧)
بێی ئەگەر ڕۆندك دبارن
چاڤ..
بۆ خوە دكەنە گری
(٨)
وەرزێ دورینێ گیرۆ بوو
گولی یێن زەربوویی دلشاد بوون
ل گەل بای كەفتن سەمایێ
(٩)
“یا ژمنڤە داوی پاییزە
یا ژمنڤە خەرزێ داویێ بوو”
تڤیركەكا ڕازایی دگۆت…
(١٠)
تۆڤێ روحانێ شین نەبوو
چووچكان دابلعاند و فڕین
خو نەگۆتن سوپاس ژی
***
ژ دیوانا (بلاد تخاف المطر- ٢٠٢١)، بپ٩٥-٩٨.
