هایكۆ – هەلبەست

زەكەریا حەمید

دەنگێ‌ خاتر خواستنێ‌،
د بایەكێ‌ دووردا..
پاییز دگریت.
..

رۆناهییا زێرین،
دناڤ تاكێن داراندا دبۆریت..
داوی ماچ.
..

بۆ پاییزێ‌،
كراسێ‌ شانازییێ‌ دانا..
دارێن چنارێ‌.
..

ژ پەنجەرەیا من..
سها عەوران دبۆریت،
وەك خەونەكێ‌.
..

قەلەرەشێ‌..
ل سەر چەقێ‌ دارەكا رویس
بەحسی پاییزێ‌ دكەت.
..
دبێدەنگیا باخچەی دا..
سێڤ دكەڤن،
زەنگا پاییزێ‌.
..

ب رەنگەكێ‌ خەمگین،
ئەردی دخەملینن..
بەلگێن پاییزێ‌.
..

بەلگێن زەر..
دگەل بایی سەمایێ‌ دكەن،
ئێڤارێن پاییزێ‌.
..

دگەل وەریانێ‌..
زانین د بشكڤیت،
ژ نهێنیێن گەڕدوونی.
..

سێبەرا عەوران..
بێهنا سێڤێن گەهی،
ژ سڕا ئێڤاران.
..

بەلگێن داران..
نە بتنێ‌ دوەریێن،
لێ‌ بایی ژی ژبیردكەن.
..

بێدەنگی درێژترە..
دەمێ‌ با،
سەرا گۆڕێن بەلگان ددەت.
..

ل پاییزێ‌..
دار نامرن،
تنێ‌ كێشا وان دهێتە خوار.
..

هەر تشت ل دەردۆرا من..
یێ‌ د وەریێت،
دل هێش یێ‌ دگەلتە دسۆژیت.
..

بالندەیەكێ‌ هاڤی..
دناڤ مژێ‌ دەركەڤیت،
كێ‌ گازی كرییێ‌؟!
..

پاییز..
پەیام و نامەیێن خۆ،
ب رەنگێ‌ زەر دنڤیسیت.
..

عەورێ‌ هەلاویستی..
نە دچیت، نە لێ‌ دكەت،
دبێژی ئەزم.!
..

پاییز ب پێلێن خۆ..
پەیاسان دكەت،
ل سەر پەردا دلێ‌ من.
پاییز..
وەك بیرهاتن من هەلدگریت،
بۆ زڤستانەكا ساڕ.
..

بەلگ وەریا..
د نزایێن خۆدا..
خۆ رادەست دكەت،
وەكی من.

کۆمێنتا تە