هاینه‌ری به‌رسڤه‌كا تۆند دا لیڤاندۆڤێسكی
ئه‌ڤرۆ،
سه‌رۆكێ یانا بایرن میونخ یا ئه‌لمانی به‌رسڤه‌كا تۆند دا ستێرا تیما خوه یا ته‌پا پێی یێ پۆله‌ندی رۆبێرت لیڤاندۆڤێسكی و مانا وی بۆ وه‌رزه‌كێ دی دۆپاتكر، یان چوونا وی ب مه‌رجه‌كێ بیت ئه‌وا دێ گرێبه‌ستا وی ل هاڤینا سالا 2023ێ ب دووماهی هێت.
هێربێر هاینه‌ری بۆ كه‌نالێ سپۆرت ئێك یێ ئه‌لمانی گۆت: گرێبه‌ستا لیڤاندۆڤێسكی هه‌تا 30ی خزیرانا 2023ێ یه و دێ به‌رده‌وامبیت ل گه‌ل مه هه‌تا دووماهی رۆژ، دڤێت پێگیریێ ب گرێبه‌ستا هه‌ردو لا بهێته كرن له‌ورا ئه‌م كه‌سێ نه چار ناكه‌ین وه‌فاداریا گرێبه‌ستا خوه بكه‌ت ژبه‌ركو یاسا یا هه‌یی ئه‌و دێ دادیێ كه‌ت، هه‌كه بڤێت بچیت دشێت گه‌ل مه كۆمبیت و هه‌كه یێ رژد بیت ده‌رگه‌هی لێ نا گرین لێ دڤێت ب گرێبه‌سته‌كا دووڤ حه‌زا مه بیت
راپۆرتێن رۆژنامه‌ڤانی دیاركرینه كو لیڤاندۆڤێسكی گازنده كرینه كو یانا ئه‌لمانی چو هه‌لوه‌ست بۆ مانا وی دیار نه‌كرینه له‌ورا بڕیارا چوونا خوه دایه و نێزكترین یانه په‌یوه‌ندیێ پێ بكه‌ت یانا به‌رشه‌لۆنا یا ئسپانی یه.
