هروباى نایلونێن چه‌ند خانیان راكرن

ئه‌ڤرۆ نیوز ، نه‌وزاد زاده‌ هلۆرى:
ژ ئه‌گه‌را به‌فر و باران و هروبایى ئه‌ڤرۆ ل ناحیا شێلادزێ و گوندێ بالندا نایلونێن چه‌ند خانیان هاتنه‌ راكرن و زیان ژى ب چه‌ند ماله‌كان كه‌فتینه‌ ، و ل گوره‌ى زانیاریێن ئه‌ڤرۆ نیوز د ماوه‌یێ 20 سالێن بورى دا هروبایێ ب ڤى شێوه‌ى ب هێز ل ده‌ڤه‌رێ نه‌هاتیه‌.
بێوار ئیسماعیل ئاكنجیێ ناحیا شێلادزێ دیاركر كو د دوو روژێن بورى دا به‌فرو باران و هروبایى نایلون و چینكوێن بانێن چه‌ند خانویان راكریه‌ و گۆت : ( ژبه‌ر پێله‌كا ب هێزیا هرۆبایى كو ژ ده‌رگه‌لیێ بالندا به‌ر ب ناحیا شێلادزێ و گوندێن ده‌وروبه‌ر هات و بوویه‌ سه‌ده‌م كو ئه‌و هروبا چه‌ند خانویێن بانێ وان نایلون و چینكو راكه‌تن ، و ئه‌ڤه‌ زێده‌بارى كو چه‌ند ستونه‌كێن كاره‌بێ ل سه‌ر جوتسایدا شێلادزێ ئێخستنیه‌ .
زێده‌تر گۆت : ( ئه‌ز بخوه‌ ئێك ژ وان كه‌سابووم كو ب له‌ز چویمه‌ دوكانا نایلونان ل شێلادزێ كو ل وێرێ زێده‌ترى 30 كه‌سان نایلون ژ بوو بانێن خانویان و بانێن پرۆژێن بخودانكرنا ئاژه‌لان و چه‌ند پێدڤییه‌كێن دن دكرین كو هه‌موو ژى ژ به‌ر هروبایێ ئه‌ڤرۆ هاتبوونه‌ دراندن و راكرن.

کۆمێنتا تە