هزار و 800 ته‌نێن تۆڤێ‌ گه‌نمی ل سه‌ر جۆتیارێن دهۆكێ‌ دێ‌ هێنه‌ به‌لاڤكرن

ئه‌ڤرۆ:

ب مه‌رما پشته‌ڤانیكرنا جۆتیاران و به‌لاڤكرنا تۆڤێ‌ گه‌نمی ل سه‌ر وان، ئه‌حمه‌د جه‌میل، رێڤه‌به‌رێ گشتی یێ چاندنێ ل پارێزگه‌ها دهۆكێ كۆمبوونه‌ك ل گه‌ل رێڤه‌به‌رێن چاندنێ ل ده‌ڤه‌رداریان و به‌رپرسێ پشكا به‌رهه‌مئینان و په‌سه‌ندكرنا تۆڤی و خزمه‌تێن چاندنێ و به‌رپرسێ پلاندانانێ ئه‌نجام دا.

د كۆمبوونێ دا به‌حسێ‌ به‌لاڤكرنا تۆڤێ گه‌نمی هاته‌كرن كو بڕیاره‌ هزار و 800 ته‌نێن تۆڤێ گه‌نمی ل سه‌ر جۆتیارێن خودانێن به‌رهه‌مێ گه‌نمی ل پارێزگه‌ها دهۆكێ بهێنه‌ به‌لاڤكرن.

دیسا هه‌ر د كۆمبوونێ دا به‌حسێ‌ ره‌وشا عمبارێن ساركرنێ هاته‌ كرن و رێڤه‌به‌رێ گشتی یی َچاندنێ ژی رێنمایێن پێدڤی ب وان دان.

کۆمێنتا تە