هزرا ناڤنجیا به‌هدینان بۆ ئیسلاما دورست

هزرا ناڤنجی یا ئیسلامێ ئه‌گه‌را تێگه‌هشتنا ده‌ڤه‌را به‌هدینانه‌ بۆ ئیسلاما دروست و نه‌گه‌هشتنا وان ل رێزێن داعشێ وه‌كو ده‌ڤه‌رێن دن. ئه‌ڤ هزره‌یه‌ كو بوویه‌ ئه‌گه‌را به‌رده‌وامبوونا ئه‌ڤی ئاینی پشتی پتر ژ (1400) سالان هه‌تا ڤێ چڕكێ و پرۆژانه‌ خه‌لك بده‌هان دهێنه‌ د ناڤدا، ئایینێ ئیسلامێ ئاینه‌كێ ناڤنجیه‌ د هه‌می وارادن دا چ دبیروباوه‌راندا یانژیك د عباده‌تیدا یانژیك د شه‌ریعه‌تیدا، لێ جهێ داخێ یه‌ كو گه‌له‌ك هزرێن دن یێن هاتینه‌ ناڤ ڤی ئایینی، ژ ئه‌گه‌رێ هزرێن به‌رته‌نگ دێ ئاینی د هزرا خه‌لكه‌كی دا كریێت كه‌ن، ب كاروكریارێن خوه‌ و ئه‌وا خرابتر ئه‌وه‌ هه‌ر كاره‌كی ئه‌نجامبده‌ن دێ هه‌ر ب به‌لگێن قورئانا پیرۆز یان ب فه‌رمۆدێن پێغه‌مبه‌ری (س) بكارئینن بۆ كار و كریارێن خوه‌ یێن دژی هه‌می بنه‌ما و بناتێن هه‌می ئایین و هه‌می هزر و بیر و هه‌می هه‌ستێن مرۆڤاتیێ، لێ ب تێگه‌هشتنا خوه‌ یا به‌رته‌نگ نه‌كو رامانا راسته‌قینه‌ یا ئه‌ڤان ده‌قان و دووماهی كار ئه‌و فرۆكه‌ڤانێ كو شه‌وتاندی ئه‌وا كو ل چو ده‌مێن دیرۆكیا ئایینێ ئیسلامێ ئه‌ڤ چه‌ندا هه‌نێ نه‌هاتیه‌ ئه‌نجامدان، وه‌ك ده‌ڤه‌را بادینان هه‌كه‌ ب شێوه‌كێ گشتی به‌رێ خوه‌ بده‌ینێ رێژا ئه‌و كه‌سێن گه‌هشتینه‌ رێزا رێكخراوا (داعش) یا توندره‌و گه‌له‌ك كێمترن ژ وان رێژێن ل ده‌ڤه‌رێن دن و ئه‌گه‌را ڤێ چه‌ندێ دزڤریته‌ گه‌له‌ك هۆكاران، ژ وان كو ده‌ڤه‌را بادینان پتر ژده‌ڤه‌رێن دن هه‌ر ژكه‌ڤندان پێكڤه‌ ژیان ل ناڤبه‌را (ئیسلام و مه‌سیحیه‌ت و ئێزداتی) هه‌بوویه‌ و ئێك قه‌بوولكرن و پێكڤه‌ژیان بێ ره‌قوقینه‌ ئه‌ڤ پێكڤه‌ ژیانه‌ نیشا مرۆڤی دده‌ت كو مرۆڤ دڤێت ته‌قه‌بوولا یێ به‌رامبه‌ر خوه‌ بكه‌ت خوه‌ هه‌كه‌ ئایینێ وی یێ جودا بیت ل گه‌ل مرۆڤی پاتو چ دبێژی هه‌كه‌ هه‌ر د ئایینێ ته‌دابینت، لێ ب تنێ د هنده‌ بابه‌تان دا هزر و بیرێن وی جودا هه‌بن ئه‌ڤ لێك قبوولكرنه‌ هزرا ناڤنجی ل ده‌ف مرۆڤی په‌یدا دكه‌ت، دیسا وان كو هه‌ر ژ كه‌ڤندا كورد ب شێوه‌كێ گشتی و ده‌ڤه‌را به‌هدینان ب گشتی تایبه‌تی ل سه‌ر هزرا ناڤنجی یێن هاتینه‌ مه‌زنكرن و بنیاتكرن و هه‌تا ئه‌و هزرێن توندره‌و ئه‌ڤا نوكه‌ د ناڤ هزر و بیرێن هنده‌ كه‌سان دا نه‌یا كه‌ڤنه‌ به‌لكو یا هاتی ژ ملله‌تێ دن بۆ نموونه‌ عه‌ره‌بستانان یان هه‌ر ئه‌و هزرا گه‌له‌ك ساناهی كرن هه‌تا كو ئایینی ژ ده‌ست بده‌ی ئه‌و ژی هه‌ر یا ب رێیا هنده‌ كه‌سان هاتیه‌ د ناڤ ملله‌تێ كورد هه‌كه‌ نه‌ ملله‌تێ كورد ژ كه‌ڤن دا ب هزرا ناڤنجی یێ ژیای و هه‌كه‌ به‌رێ خوه‌ بده‌ینه‌ زانایێن ئایینێ ئیسلامێ یێن كورد ب گشتی ده‌ڤه‌را به‌هدینان ب تایبه‌تی وه‌كو (شێخ نووره‌دین بریفكانی، مه‌لا حسێن ماروونسی، مه‌لا ئه‌حمه‌د ئاكره‌یی، ئه‌بۆ سعوود ئامێدی و شێخ تاهرێ شۆشی، مه‌لا یاسین رێكانی و بدیع الزمانێ نه‌ورسی. . هتد) ڤان كه‌سان بیروباوه‌ر و هزرا ناڤنجی یا به‌لاڤكری ل ده‌ڤه‌را به‌هدینان و هه‌تا نوكه‌ پرتووكێن وان دهێنه‌ خواندن و دارێتن و خواندن ل هه‌می جهان ژ به‌ر ئه‌وان ئه‌و نه‌رماتی و ناڤنجیا جوان یاكو ئاینێ ئیسلامێ یا دیاركری و پرتووكێن خوه‌ پێ خه‌ملاندینه‌.
پێغه‌مبه‌ر (س) دبێژیت: باشترین تشت ئه‌وه‌ ئه‌ڤێ ناڤنجی بیت. وه‌كو ستوونه‌كێ دانای ژ بۆ هه‌می كاروكریاران، بۆ نموونه‌ د بیروباوه‌ریان دا نابیت مرۆڤ گه‌له‌كێ ده‌مارگیربیت، دیسا د عیباده‌تێ دا نابیت مرۆڤ گه‌له‌ك ل سه‌ر خوه‌ گران بكه‌ت وه‌كو پێغه‌مبه‌ر (س) دبێژیت باشترین عیباده‌ت ئه‌وه‌ ئه‌ڤێ كو به‌رده‌وام بیت، بلا پیچه‌ك بیت لێ یا گرنگ ئه‌وه‌ كو به‌رده‌وام بیت و دیسا نابیت هه‌ر نه‌كه‌ت و د شه‌ریعه‌تی َ دا نابیت د هه‌می ئه‌حكامان دا مرۆڤ ل سه‌ر خه‌لكی گران بكه‌ت و نه‌ هه‌ر ژبنی به‌رده‌ت، ئایینێ ئیسلامێ ئاینه‌كێ ناڤنجیه‌ و دگۆنجیت ل گه‌ل هه‌می ده‌مان و ل هه‌می جهان، لێ هه‌كه‌ هنده‌ كارێن توندره‌و هاتنه‌كرن، بزانه‌ ئه‌و ژ فێقیێ كه‌سانه‌ نه‌ك ئیسلامێ.

کۆمێنتا تە