هزركرنا باش بەرهەمی وێ بەختەوەری یە
سەلاح سندی
هزركرنا باش و ئەرینی و ئارامی و بەختەوەریێ پەیدا دكەت، د هەمان دەمیدا هزركرنا خراب و نەرینی و دل نەرەحەتیی و نە ڤیان و كەرب و كینێ پەیدا دكەت، هزركرنا باش ژ كەسێ بەرامبەر بەرهەمێ وێ بەختەوەری یە، ئەز گەهشتیمە وێ باوەری یێ هزركرنا باش ژ كەسێ بەرامبەر بكەت ئەو دبیتە ئەگەرێ گرتنا هەموو دەرگەهێن ئاریشەیان، چونكی دەستپێكا هەموو ئاریشەیان هزركرنا خرابە، پاشی ئەو هزرا ژەنگی دبیتە كریار و رەفتارێن نە ژ هەژی و كارڤەدانا یێ بەرامبەر دبیت ئاریشە گەلەك جاران ئەو هزرا خراب یا ژ كەسێ بەرامبەر هاتی كرن وەسا نە دەركەتە خودانێ هزرا گەنی یێ پەشێمانبی پشتی دلمان چێبی فایدە ناكەت پێدڤییە ئەم هزرێن باش ژ كەسێ بەرامبەر بكەن تایبەت دەمێ شاشیەك دراستا مە دا كر ئەم هێجەت و بهانەیا پێشڤە بگرن وەك بێژن ب شاشیفە وەكریە یان نزانیە یان نەچارە یێ ل بن گڤاشتنا كەسەكێ ڤە بڤی شێوەی، چونكی ئاینێ مە ئەم فێركرنە حەتا حەفتێ بهانەیا بۆ كەسێ بەرامبەر بگرن، بۆ نموونە دەمێ یوسف پێغەمبەر (س.خ) برایێن وی ئەو زۆرداریا ل وی كرین دەمی ئەو بچووك و لاواز، بەلێ دەمێ ئەو ب هێز و خودان دەسهەلات برایێن وی پێدڤی وی بوون و هاتنە دەف داخوازا هاریكاری ژ وی كرن و یوسفی زانی ئەڤە برایێن وینە بەرسڤا وی چ بوو؟ نە گۆت وە زۆرداری یا ل من كری و ئەز هاریكاریا وە ناكەم یان ئەز دێ تۆلڤەكرنێ ل گەل وەكەم، بەلكو گۆتە وان وی دەمی هوون نەزان بوون هوسا بهانە پێش وان ڤە دگرتن، ئانكو هوون هاتبوونە د سەردا برن و هوون شاش بوون، ئەز ل وە بۆریم ئەها ئە ڤەیە هەلویستێ زەلامان شیا ب ئێك بڕیار هەموویان ب توندی سزا بدەت، ل ڤێرێ بۆ مە دیار بوو بەرهەمێ بهانەیا بەختەوەری و كومڤەكرنا ئەندامێن خێزانێ یە بۆ سەر ئێك سفرا خوارنێ و ئێكگرتنا جڤاكی ب تفاقێ و گیانێ لێبۆرینی و ئێك و دو قەبوولكرنی یە.
