هزرێن باش د سه‌رێ وێ دا هه‌نه
زاخۆ، عه‌لی حاجی:
ئالا ره‌ئفه‌ت، ئێك ژ شێوه‌كارێن باژێرێ دهۆكێ یه، د دیداره‌كێ دا بۆ رۆژناما ئه‌ڤرۆ دیاركر كو وێ رێیا خوه یا تایبه‌ت د شێوه‌كاریێ دا هه‌لبژارتیه و دخوازیت هنده‌ك كارێن نوو د شێوه‌كاریێ دا بكه‌ت و ساخله‌میا وێ بوویه ئه‌گه‌ر كو ژ په‌یكه‌رسازیێ دوور بكه‌ڤیت.
ناڤهاتیێ گۆت: د قوناغا سه‌ره‌تایی دا من ڤیانه‌كا تایبه‌ت بۆ شێوه‌كاریێ هه‌بوو، ل گه‌ل بۆرینا ده‌می شیانێن من باشتر لێ هاتن هه‌تا كو ل په‌یمانگه‌ها هونه‌رێن جوان ل دهۆكێ هاتیمه وه‌رگرتن، ژبه‌ر شاره‌زاییا من د شێوه‌كاریێ دا من په‌یكه‌رسازی هه‌لبژارت و ژ قوتابیێن ئیًكه‌م بوون د په‌یكه‌رسازیێ دا ل سه‌ر ئاستێ په‌یمانگه‌هێ، به‌لێ ژبه‌ر ساخله‌میا خوه من نه‌شیا به‌رده‌وامیێ بده‌مه په‌یكه‌رسازیێ، له‌وما نه‌چار بووم د شێوه‌كاریێ دا به‌رده‌وام بووم و بابێ من پشته‌ڤانیه‌كا باش ل من دكر ژبه‌ركو بنه‌ماله‌كا هونه‌ری مه هه‌بوو و هه‌ر دیسان نوكه دا من رێیه‌كا تایبه‌ت هه‌لبژارتیی یه كو وێنان ل سه‌ر شووشی و داران چێكه‌م و ئه‌ڤ كاه‌ر من نه‌دیتیه ل دهۆكێ هاتیه ئه‌نجام دان و هزرێن باشتر د سه‌رێ مندا هه‌نه به‌لێ هه‌تا كو هونه‌رێ من سه‌ركه‌فتنێ د بینیت ژنوو دێ ده‌ست ب كارێن نوو كه‌م، بۆ زانین نێزیكی 200 وێنان من ل سه‌ر دیوارێن قوتابخانان چێكرینه.
