هزرێن نەرێنی
ماڤین محەمەد زاویتەیی
كارتێكرنا هزرا نەرێنی ل سەر مێشك و دەروون و ژیانا مرۆڤی ب بۆچوونا من دوژمنەكێ ب هێزە، هەروەسا د هزرا من دا ئەم مرۆڤ ئافراندیێن خودێ دشێیین ل سەر ڤی دوژمنی زال بین و سەربكەڤین، ل وی دەمی ئەم شیاین ب ئازادییانە و سەركەڤتیانە د ژیانێ دا بژین و هەروەسا د مێشك و دەروونەكێ تەنا دا دێ ژین، مەرەما من گۆتنا (دوژمن) ئانكو هزرا نەرێنی، ئەگەر بەحس ل كارتیكرنا هزرا نەرێنی بكەین ل سەر مێشك و دەروونێ مرۆڤی، د راستیدا مەترسیەكا مەزن هەیە، ئەڤجا دڤێت ئەم زۆر د هشیار بین بەس نابیت خوە بترسینین، چونكی تۆ دشێی ل سەر زال بی.
كارتێكرنا هزڕا نەرێنی مرۆڤی دو دل دكەت، هێزا مرۆڤی لاواز دكەت، بەرگرییا لەشی كێم دكەت، دەهان هزران مێشكێ مرۆڤی دا كۆم دكەت، مرۆڤی ژ ئێك بڕیار دەردئێخیت، ئانكو هزرا مرۆڤی بۆ دوو سێ بڕیارا دبەت، خەموكی و ترس ژ چاڤێن مرۆڤی و دێمی مرۆڤی دیار دكەت، هەروەسا زۆربەیا جاران د هزركرنێ دا گۆمانا مرۆڤی بۆ خرابیێ و كەفتن و شكەستنێ دبەت، هەروەسا پتر هزرا مرۆڤی بۆ رەشبینیێ دبەت، ئەڤجا من دڤێت بێژم داكو تۆ مرۆڤەكێ سەركەفتی بی پێدڤییە خوە ژ هزرا نەرێنی دوور بكەی، هەروەسا هەر هزرەكا دمێشكێ خوە دا دلڤینی بۆ لایەنێ ئەرێنی بە داكو پتر یێ سەركەفتی بی و هەروەسا پتر د دەروونەكێ ئارام و جێگر دا بژی.
ئەو مرۆڤە گەلەك یێ جوان و دەروون ئارامە یێ ب هزرێن ئەرێنی سەرەدەریێ د گەل هەر روودانەكێ بكەت و تەماشە بكەت، ئەڤجا ب چاڤەكێ ئەرێنی پێشبینییا پاشەرۆژا خوە بكە و هیڤیێن جوان بۆ خوە بدانە ب ئەرێنی، هەتا شكەستنێن ژیانا خوە ژی ب شێوەیەكی ئەرێنی سەحكێ و سەرەدەریێ ل گەل بكە، داكو سەركەفتنا ب دەست خوەڤە بینی و ئارام بژی.
